又到銅記食 lunch, 今次試試呢間「居食屋」.
叫了「雜錦烏冬定食」(好似 $65), 跟前菜, 白飯及飲品:
前菜係一堆又硬又實的黃豆, 混有無味海帶, 及食落 sok sok 聲的無味紅蘿蔔, 棄之不可惜.
「雜錦烏冬」有大量牛肉, 大量蔥花, 幾隻蜆, 雪藏帶子 1 隻, 蝦天婦羅 1 隻, 仲有隻「溫泉蛋」浮喺面... 蝦天婦羅浸到濕溼溼, 炸漿又厚, 唯有自行「剝皮」淨食蝦肉, 而蝦肉就爽口而無味; 滑溜烏冬較扁身, 唔彈牙, 不過都唔算太腍, 可以吧; 蜆仔幾韌, 咬多幾下口感更粉粉的 (!), 跟住湧出一陣腥味, 唔掂
帶子亦太韌, 雪藏貨嚟講叫 ok 啦; 牛肉多到好似食極都仲有 
, 無尋日灣仔嗰間的咁「臊」咁嚡, 肉味 ok, 都 ok; 可能又蜆又牛肉, 再拮穿隻蛋, 最好就係湯底, 味道清甜中帶點鮮味, 幾好飲.
烏冬 ok, 白飯就好唔掂, 又削又乾, 隔夜的?
朋友食三色飯定食 (好似 $95), 跟味噌湯及飲品:
3 碗細丼有 #1 雜錦魚生, #2 牛肉 tataki, 及 #3 燒鰻魚... 試了一塊牛肉 tataki, 係乾硬, 嚡口, 只得黑椒味又無肉味的, 唔怪得朋友食剩兩塊; 又試了一小啖鰻魚, 貨色一般, 味道亦大路, 不過朋友就似乎好唔滿意, 仲「撕」出一塊佢話「好韌, 咬咗一啖已唔想食」的魚皮
魚生飯無試了, 而朋友就話「青筋暴現」的赤身「成陣腥味」, 跟住將半塊 lur 出, 睇怕...
味噌湯仲離奇, 朋友話味道似「沙律味百力滋」...!?!?!??
飲品係熱奶茶, 奉上「維記牛奶」coffee creamer, 賣相勁似咖啡
落一份 coffee creamer, 飲落係好勁茶澀味 問 waitress 要多一份就好好多, 不過仍然偏苦澀, 還是港式好.
朋友杯凍奶茶就望落都覺得稀, 睇怕...
食物一般, 環境就整齊乾淨, 2 人坐了 4 人卡位, 幾舒服.
每人約 $90 埋單, 唔差, 但應該唔會再嚟, 下次再覓吓另一間好 d 嘅吧.
P.S. 原來呢度係「百人一朱」/「銀座藏人」group 經營的...
