一起果醬 (已結業)

我女性朋友相聚，一定要搵個地方可以傾計傾好耐，重點係可以影相打卡。今日去到尖沙咀一間餐廳食飯，喺門口已經見到好多形形色色嘅果醬，行到入去裝修別緻，燈光柔和，打卡來講絕對一流。同朋友叫咗set dinner, 首先個沙律非常新鮮，佢用嘅水果醋酸酸甜甜令人非常開胃。餐湯水準一流，我叫左白湯，但一啲都唔膩，而且蘑菇味好重，非常香濃，可以話係我飲過數一數二好飲嘅蘑菇湯。主菜方面我哋一個叫咗牛扒一個叫咗 all day breakfast。牛扒鮮嫩多汁，份量都好大，薯菜份量少少哋，令人唔會太飽。至於 all day breakfast 份量適中，多士可以俾我揀其中一種果醬。知道佢哋呢間鋪頭主打係果醬，全部果醬都係新鮮自製，我叫左集雜苺果醬，上菜嘅時候真係一粒粒 berries 係西多士上面，非常新鮮非常吸引。總括而言，呢間係一間內外兼備嘅餐廳，好睇又好食。