好地方食館 (已結業)

近年有不少特色餐廳進駐工廠區，裝修有個人風格，菜式又夠fusion，如果想坐耐少少係唔錯既選擇。間唔中想食個頹飯，就更加要到工廠區食，一來味道夠地道，二來價錢平，加上上得快，啱哂無乜時間既時候醫下肚。已經唔係第一次黎好地方，之前幾次黎係因為佢開24，係附近做完野過黎食番個泰色湯河又得，食海南雞飯又得，好地方實滿足到你，而且味道都唔錯。今次嗌左個餐肉雙蛋飯，侍應拎埋黎時真係嚇一跳，餐肉煎到少少燶，蛋亦煎到啱啱好，介乎蛋白熟而蛋黃未熟之間，碟飯放落黎果下個蛋黃彈下彈下咁，就好似細個睇緊賣彈下彈下既布甸廣告。急不及待用叉開個蛋黃流啲蛋汁落飯度，撈埋外表香脆既餐肉一齊放落口，媽呀，究竟邊個話呢個係頹飯黎架？