影片
更多
2018-07-14
432 瀏覽
哩排好想食茶記滑蛋，奈何出名既茶記都離我好遠，近近地揾間頂住癮先。本身係見到餐廳外面既menu有蔥花蝦仁炒蛋飯先入去既，但坐低睇清啲個menu係蝦仁炒蛋唔係我想食既滑蛋，就轉左肽，order左鮮茄滑蛋牛肉飯配熱檸水。點知樓面姐姐幫我落錯單，出餐個呀姐淨係係到嗌邊個亂錯單，完全冇想幫我處理落錯單既事。我明可能每個人都有自己既分工，但起碼都要同負責既同事講返聲吧？就因為落錯單，等左15分鐘都有，隔離台遲入過我好多都有野食了～服務態度有待改善不過，要等咁耐先出到黎，應該係即叫即整既。個飯放落黎果陣，我真係有啲嚇親，估唔到份量咁大。賣相都幾吸引(可能我餓啦)有蕃茄既紅、蛋既黃同面頭蔥花既綠，幾靚嫁胃口大開。飯既材料方面，有牛肉、蕃茄、滑蛋、洋蔥同蔥花牛肉有七塊，唔係薄切嫁，都幾大方。有幾塊食落嫩啲、其他就overcooked左，有些少鞋。味道都唔差，唔會有太多yip肉粉既感覺，牛肉應該都幾新鮮；蕃茄有五大舊，應該有一個蕃茄係到嫁啦！蕃茄唔係肉茄，冇咩起沙既感覺，正常味道。滑蛋有成圈，圍繞住碟邊，如果整得冇咁散，就可以試真啲蛋既質感同味道，但因為有大量蕃茄醬蓋過蛋味，所以我唔可以講出滑蛋有冇蛋香
本身係見到餐廳外面既menu有蔥花蝦仁炒蛋飯先入去既，
但坐低睇清啲個menu係蝦仁炒蛋唔係我想食既滑蛋，就轉左肽，order左鮮茄滑蛋牛肉飯配熱檸水。
點知樓面姐姐幫我落錯單，出餐個呀姐淨係係到嗌邊個亂錯單，完全冇想幫我處理落錯單既事。
我明可能每個人都有自己既分工，但起碼都要同負責既同事講返聲吧？
就因為落錯單，等左15分鐘都有，隔離台遲入過我好多都有野食了～
服務態度有待改善
不過，要等咁耐先出到黎，應該係即叫即整既。
鮮茄滑蛋牛肉飯
$48
65 瀏覽
0 讚好
0 留言
個飯放落黎果陣，我真係有啲嚇親，估唔到份量咁大。
賣相都幾吸引(可能我餓啦)有蕃茄既紅、蛋既黃同面頭蔥花既綠，幾靚嫁胃口大開。
飯既材料方面，有牛肉、蕃茄、滑蛋、洋蔥同蔥花
牛肉有七塊，唔係薄切嫁，都幾大方。有幾塊食落嫩啲、其他就overcooked左，有些少鞋。味道都唔差，唔會有太多yip肉粉既感覺，牛肉應該都幾新鮮；
蕃茄有五大舊，應該有一個蕃茄係到嫁啦！蕃茄唔係肉茄，冇咩起沙既感覺，正常味道。
滑蛋有成圈，圍繞住碟邊，如果整得冇咁散，就可以試真啲蛋既質感同味道，但因為有大量蕃茄醬蓋過蛋味，所以我唔可以講出滑蛋有冇蛋香，不過尚算嫩滑；
洋蔥絲都有唔少，仲保留到爽脆，增加左口感；
蔥花令賣相更吸引，起裝飾作用。
鮮茄加蕃茄醬整成既醬汁撈飯一流酸酸甜甜咁，一啖一啖好快就清碟。調味適中，唔會偏酸或偏甜，冇咩味精既感覺，食完唔會好口渴。
唔知係咪因為牛肉、蕃茄同蛋都幾多，所以飯好快就冇。不過平心而論，飯既份量同其他茶記比應該係少啲既，不過都夠食。最估唔到既係，飯入面有藜麥，當然藜麥份量唔係好多，但都幾少有
整體而言，鮮茄滑蛋牛肉飯味道唔差，份量都足，同埋哩個飯唔會好油，啱曬我！
係冇咩期望下，絕對有驚喜
午餐一個飯包野飲，$48。正常茶記既價錢，唔平都唔算貴，同大部份連鎖快餐店價錢差唔多，但味道絕對比大x樂好好多，即叫即整有絕對既誠意。
係頹食之選，會再encore
張貼
