影片
更多
2012-09-07
168 瀏覽
其實也不應該將領匯要妖魔化, 商家也只是要些盤川湖口。 小市民嘛, 捱囉。 小店嘛, 經不起洗禮的接得就接, 活在當下比個春天禁大既時代巨輪輾兩下都米話唔恐怖, 可惜的係呢類舊式老餅家買少見少, 慶幸的是, 奇趣同恆香都未香。物以罕為貴, 此類老餅家被年青人神化得厲害, 其實佢地只係用翻呀媽個母親條recipe去做餅而已, 沒什麼了不起呀? 是否真的那麼好吃, 細個果時呢類既餅鋪通街都係, 那有這麼多連鎖同埋咩fine cakes 更莫說patisserie呢個禁fancy既字。 是否因為現今社會已經將patisserie 取替阿茂, 氾濫著太多patisserie所以先覺此老餅奇趣? 有次同媽媽行過奇趣, 佢話”哎呀我識得佢地架”, 就係感走去吹下水後買左個紅豆燒餅同埋包江蘇餅。 係呢度, 大部份既餅都係熱騰騰的, 而個鋪, 亦熱騰騰。 太多人喇, 永遠都要顧住個荷包怕比人Sa左個袋要擺腰前面, 都係好味道既一個引證。 車水馬龍的, 就好像一群蝴蝶見到草地只得一朵色彩鮮艷的向日葵, 都向它擁了。 就因為太多人, 每次買紅豆燒餅都是飛給我的, 很有特色! 紅豆燒餅永遠不能拍照,
物以罕為貴, 此類老餅家被年青人神化得厲害, 其實佢地只係用翻呀媽個母親條recipe去做餅而已, 沒什麼了不起呀? 是否真的那麼好吃, 細個果時呢類既餅鋪通街都係, 那有這麼多連鎖同埋咩fine cakes 更莫說patisserie呢個禁fancy既字。 是否因為現今社會已經將patisserie 取替阿茂, 氾濫著太多patisserie所以先覺此老餅奇趣?
有次同媽媽行過奇趣, 佢話”哎呀我識得佢地架”, 就係感走去吹下水後買左個紅豆燒餅同埋包江蘇餅。 係呢度, 大部份既餅都係熱騰騰的, 而個鋪, 亦熱騰騰。 太多人喇, 永遠都要顧住個荷包怕比人Sa左個袋要擺腰前面, 都係好味道既一個引證。 車水馬龍的, 就好像一群蝴蝶見到草地只得一朵色彩鮮艷的向日葵, 都向它擁了。 就因為太多人, 每次買紅豆燒餅都是飛給我的, 很有特色! 紅豆燒餅永遠不能拍照, 只因佢太可愛, 只溶係口, 影完都說早抖。 此餅永遠熱力四射, 香遠益清, 個皮其韌無比, 比恆香的更韌, 可拉長五十里, 一絕! 裡面紅豆頗沙, 剛剛夠甜, 尺寸體貼, 吃一個剛好, 不頂胃很滿足。
江蘇餅, 噢, 是光酥餅! 永遠都搞錯, 幼稚園時同學告訴我這個餅是大陸的, 是從江蘇來的所以到現在還覺得它是江蘇餅。 這裡買到的光酥餅, 就是細細個食既果種, 感覺好任天堂紅白機: 沒有精細逼真的CG畫面, 沒有起承轉合的故事結構, 游戲悶悶的, 幾Bit dude dude聲的所謂音樂, 已經夠我們跟同學仔玩幾個月了。 現在的鬼佬cake, 跳跳虎加隻蟹都痴舊macaron係邊, 甜到漏油, 色素多到你唔信, 牛油指數昇穿牛熊線形成黃金交叉, Icing比面部T字位更反光。 反觀呢個光酥餅可謂乜都無, 無多餘的薰衣草味, 無過份堂皇的包裝修飾, 似輕飄飄既紅白機, 像無納米科技既眼影; 返朴歸真, 回復事物的最初始狀態。 入口味寡, 外表納悶, 那種無水吞唔落既感覺, 電光石火間帶你回到童年, 跑到母親的懷抱。 它帶給你的已超越單純味覺的感受, 而是過去的懷勉, 思憶的糾纏。 很難想象年青一輩怎樣去欣賞這悶味兒, 它只是一台時光的機器, 能夠帶我這老餅回到這更老餅的老餅家而已。
現今的孩童, 母親是黃河, 我們港英年代那及得上這偉大的老母? 我們的母親只是個小小的肥C9, 今天的她又與我站在旺角的某個街角, 她手中拿著的是個小小的光酥餅, 心裡面還是握著我四歲的手, 走到金魚街買養不大的巴西龜。
張貼
