影片
更多
2015-10-26
348 瀏覽
都有幾年無幫襯，突然好想食雞髀叉燒飯，撞啱順路，又撞啱見到大把位唔洗等，今晚就食您啦！雖然一早已決定左食咩，但都要㖮㖮個 menu，溫故知新。燒味 menu 都係咁上下啦，同以前一模一樣。發現有燉湯供應喎，驚喜！當然要飲啦。但查詢之後，原來今晚只有杏汁豬肺湯，我一向對依個湯麻麻，𣎴過無選擇，照要啦。獨獨晚餐食自己，有菜有肉有飯有湯有飲品，全餐 $129 都好合理。到齊，影張全家福先！一個人更加要對自己好啲，日日都要開心！好豐富啊！食可以暫時忘卻煩惱，所以要 keep 住食！濃香杏汁潤肺湯、切雞髀叉燒飯、蠔油生菜！超水準表現，好好好味！濃香杏汁潤肺湯，即係杏汁白肺湯。四眼弟弟侍應原盅段上，仲提醒個盅好熱要小心，讚！揭開盅蓋，釋出縷縷白煙，係杏仁既香氣。未見過咁靚既杏汁，香味特濃，雪白幼滑，香甜味美。豬肺乾淨軟棉仲非常嫩滑，質地彈彈的。仲加入瘦肉同雞件增加甜味及肉香，全部湯渣通通消減始盡，滿分！第一碗我讚既杏汁白肺湯，無得彈！香噴噴！湯跟料同樣出眾！蠔油生菜，太興咁多年供應既蔬菜質數無變過，keep 住低於水平，特別係生菜及菜芯。生菜唔夠爽嫩，葉片粗糙帶澀味，而且欠缺蔬菜鮮甜味道。切雞髀叉
都有幾年無幫襯，突然好想食雞髀叉燒飯，撞啱順路，又撞啱見到大把位唔洗等，今晚就食您啦！雖然一早已決定左食咩，但都要㖮㖮個 menu，溫故知新。
燒味 menu 都係咁上下啦，同以前一模一樣。發現有燉湯供應喎，驚喜！當然要飲啦。但查詢之後，原來今晚只有杏汁豬肺湯，我一向對依個湯麻麻，𣎴過無選擇，照要啦。
獨獨晚餐食自己，有菜有肉有飯有湯有飲品，全餐 $129 都好合理。到齊，影張全家福先！一個人更加要對自己好啲，日日都要開心！好豐富啊！食可以暫時忘卻煩惱，所以要 keep 住食！濃香杏汁潤肺湯、切雞髀叉燒飯、蠔油生菜！超水準表現，好好好味！
濃香杏汁潤肺湯，即係杏汁白肺湯。四眼弟弟侍應原盅段上，仲提醒個盅好熱要小心，讚！揭開盅蓋，釋出縷縷白煙，係杏仁既香氣。
未見過咁靚既杏汁，香味特濃，雪白幼滑，香甜味美。豬肺乾淨軟棉仲非常嫩滑，質地彈彈的。仲加入瘦肉同雞件增加甜味及肉香，全部湯渣通通消減始盡，滿分！第一碗我讚既杏汁白肺湯，無得彈！香噴噴！湯跟料同樣出眾！
蠔油生菜，太興咁多年供應既蔬菜質數無變過，keep 住低於水平，特別係生菜及菜芯。生菜唔夠爽嫩，葉片粗糙帶澀味，而且欠缺蔬菜鮮甜味道。
切雞髀叉燒飯，雞髀起埋骨？太好招呼喇！肉質嫩滑無比帶肉汁，一咬便知高質又極新鮮。淡淡清爽雞味，每秒都散發出香甜味道。叉燒半肥瘦，軟棉鬆化，超乎我想像，比預期更好。香甜肉香夾雜微微燒烤味道，正到痺！
白飯夠乾爽，軟硬適中又無濕淋淋。薑蔥油好香，完全無草青味，撈埋甜豉油加上白飯，好味！薑蔥油甜豉油撈飯加一舊叉燒齊齊送入口，好味到難以形容！薑蔥油甜豉油撈飯加一舊無骨雞髀肉齊齊送入口，好味到打冷震！全部清得乾乾淨淨，好飽好滿足！
張貼
