影片
更多
2009-12-14
10 瀏覽
本來訂左萬豪lunch buffet, 但竟然要$440，實在太貴啦。恆豐又畀人包左場，睇完呢度食評，話甜品唔錯，咁就黎試下啦。六點幾到唔係好多人，檯唔密幾好。本來訂位時話要坐出面，但係去到都係坐番入面，又唔係好full 者!!一坐低就有一杯welcome drink。去食物counter巡視一睇突左一突，點解咁少野食?甜品counter我好重視，但係只得一角，全部甜品都細細碟響晒一個雪櫃度.......無計啦，都入左黎，只好照食。我只講我食左既野:海鮮有青口，蟹腳，麵包蟹，龍蝦仔。麵包蟹蓋都有d膏，蟹腳唔咸有少少鮮味。魚生有三文，吞拿，鯛魚&八瓜魚，重有d壽司。三文頭一條幾好，但係第二條有渣。跟住食天婦羅，有蝦/魷魚圈/茄子。天婦羅蝦超級推介，夠熱又好味，我食左七八隻...熱食比較弱，紅酒牛尾唔夠淋，焗帶子麻麻，蟹肉西蘭花又係普通，蒸蛋ok，關東煮較淡，黃金蝦麻麻，燒銀雪魚好味.....羊鞍燒得夠香，但唔so有d乾。重有香腸但我無食。咖喱配酥餅唔錯有麵粉香，配咖喱汁幾正，咖喱羊都幾辣。最後我用咖喱汁配天婦羅蝦，又食多隻.....重有燒牛肉我無食，隻火雞唔知係咪假既，直頭無人食!直到呢
恆豐又畀人包左場，睇完呢度食評，話甜品唔錯，咁就黎試下啦。
六點幾到唔係好多人，檯唔密幾好。本來訂位時話要坐出面，但係去到都係坐番入面，又唔係好full 者!!
一坐低就有一杯welcome drink。
去食物counter巡視一睇突左一突，點解咁少野食?甜品counter我好重視，但係只得一角，全部甜品都細細碟響晒一個雪櫃度.......
無計啦，都入左黎，只好照食。我只講我食左既野:
海鮮有青口，蟹腳，麵包蟹，龍蝦仔。麵包蟹蓋都有d膏，蟹腳唔咸有少少鮮味。
魚生有三文，吞拿，鯛魚&八瓜魚，重有d壽司。三文頭一條幾好，但係第二條有渣。
跟住食天婦羅，有蝦/魷魚圈/茄子。天婦羅蝦超級推介，夠熱又好味，我食左七八隻...
熱食比較弱，紅酒牛尾唔夠淋，焗帶子麻麻，蟹肉西蘭花又係普通，蒸蛋ok，關東煮較淡，黃金蝦麻麻，燒銀雪魚好味.....
羊鞍燒得夠香，但唔so有d乾。重有香腸但我無食。
咖喱配酥餅唔錯有麵粉香，配咖喱汁幾正，咖喱羊都幾辣。最後我用咖喱汁配天婦羅蝦，又食多隻.....
重有燒牛肉我無食，隻火雞唔知係咪假既，直頭無人食!
直到呢一刻，我覺得$398都唔係好抵食。
跟住去拎甜品，揀下揀下發覺，雖然得一個雪櫃，但係入面都有成廿樣。
拎下拎下成碟返位好開心，因為樣樣都好精緻，食左第一件開始對呢個自助餐改觀。
原來呢度甜品真係好得!
有隻綠茶mousse咁既好食，有隻朱古力餅有綿花糖，底係合桃，呢隻超正，我食左幾碟！
芒果切餅，芒果好香，不過入面係海綿蛋糕唔係好夾。
士多啤李撻，士多啤李竟然好甜喎......正!
有隻類似柚子jelly，又係好得。
Tiramisu 好滑，不過無乜酒味。
焦糖燉蛋面頭燶燶地，d蛋好滑好creamy，又係正!
重有pancake，豆腐花，楊枝甘露，HD雪糕等等。
基本上所有甜品都好食，全部細細碟，一路拎好開心，連我老婆平時飽就唔食都要encore就知佢d甜品真係唔錯!
不過佢個櫃有少少設計問題，要用一隻手開住度門，如果拎住隻碟就拎唔到餅，但係個度無乜位擺碟，多人時就唔係幾好。
呢度唔係一般buffet咁有朱古力噴泉呀，中式野，生蠔咁。
但係當佢日本餐，佢又唔係好日本喎。
不過呢度又唔使點排隊，除左鐵板燒有少少人龍，其他都唔使點排。
收碟好快，refill超快，基本上無一刻係會空左既!!
總結$398+1唔算平，如果有折會抵食d
熱食比較少，老人家就未必咁o岩。
如主攻魚生，甜品，HD雪糕都應該會滿意。
張貼