影片
更多
2017-08-21
432 瀏覽
朋友預約6pm 來cafe 慶祝另一友人生日，我負責買蛋糕，早左5:30pm 去到，就諗住順手攞位坐住等，點知我朋友預約錯左做聽晚，咁岩早去，人流仲未算多，店員都好好人為我安排座位，仲主動幫我拎我手拿住既生日蛋糕去雪櫃。我地一行6人，叫左三個餐，一個小食，六杯飲料。—————————————講飲料先，因為最早到：· 西伯利亞貓（紅石榴+百香果+牛奶+芒果）我比分：6/10（都算仁慈）攪勻左，第一口飲落去好甜（因為我成日飲開綠茶烏龍茶個啲），所以覺得太甜，其實友人話係ok 既，但我唔記得佢有咩成份既時候，就覺得佢似飲緊桃味既糖水。· 挪威森林貓（抹茶+純牛奶+忌廉）比分：5/10我覺得就好淡抹茶味，溝水再加啲cream，我會prefer 咖啡店既coffee latte或者其他奶茶奶綠店既綠茶飲品，始終呢間餐廳唔係主打飲品，我又係用左平時專賣飲料店既標準去衡量，所以我淨係覺得普通地淡糖水。· 流浪貓（百香果+乳酪+奇異果）沙冰分：6/10相對以上兩杯，呢個酸酸甜甜，又有沙冰，入口層次起碼叫有兩種，豐富啲。· 雜野莓沙冰分：7/10我覺得沙冰點都伏極有限既，飲落都係酸酸甜甜，野莓味其實我唔
朋友預約6pm 來cafe 慶祝另一友人生日，我負責買蛋糕，早左5:30pm 去到，就諗住順手攞位坐住等，點知我朋友預約錯左做聽晚，咁岩早去，人流仲未算多，店員都好好人為我安排座位，仲主動幫我拎我手拿住既生日蛋糕去雪櫃。
我地一行6人，叫左三個餐，一個小食，六杯飲料。
—————————————
講飲料先，因為最早到：
西伯利亞貓（紅石榴+百香果+牛奶+芒果）
$42
21 瀏覽
0 讚好
0 留言
· 西伯利亞貓（紅石榴+百香果+牛奶+芒果）
我比分：6/10（都算仁慈）
攪勻左，第一口飲落去好甜（因為我成日飲開綠茶烏龍茶個啲），所以覺得太甜，其實友人話係ok 既，但我唔記得佢有咩成份既時候，就覺得佢似飲緊桃味既糖水。
挪威森林貓（抹茶+純牛奶+忌廉）
$50
41 瀏覽
0 讚好
0 留言
· 挪威森林貓（抹茶+純牛奶+忌廉）
比分：5/10
我覺得就好淡抹茶味，溝水再加啲cream，我會prefer 咖啡店既coffee latte或者其他奶茶奶綠店既綠茶飲品，始終呢間餐廳唔係主打飲品，我又係用左平時專賣飲料店既標準去衡量，所以我淨係覺得普通地淡糖水。
流浪貓（百香果+乳酪+奇異果）沙冰
$48
20 瀏覽
0 讚好
0 留言
· 流浪貓（百香果+乳酪+奇異果）沙冰
分：6/10
相對以上兩杯，呢個酸酸甜甜，又有沙冰，入口層次起碼叫有兩種，豐富啲。
雜野莓沙冰
$50
28 瀏覽
0 讚好
0 留言
· 雜野莓沙冰
分：7/10
我覺得沙冰點都伏極有限既，飲落都係酸酸甜甜，野莓味其實我唔多覺既hahaha 就係比上一杯奇異果沙冰偏甜，融左飲就更甜。我也是醉了，睇圖見佢有粒士多啤梨裝飾，以為黎個杯都有，結果如圖啦。
——————————————
好，食野：
· 前菜乜乜乜（4/10）
我無食左手啲臘腸片咁既野，但朋友食完覺得口味奇怪，我信既，因為我食左粒凍蝦，佢啲醬汁我食唔出係咩口味，介乎係芥末同酸甜醬之間，瓜係無味既。
· 芝士煙肉汁燴蒜香腸蝴蝶粉$88（7/10）
係芝士迷既就會喜歡咁多芝士係面，蕃茄醬味道加蒜香腸加蝴蝶粉既味道，熱辣辣食，味道唔錯。
· 泰式青咖哩牛柳粒配飯 $108（5/10）
普通吧，牛肉係有牛味，都易咬入口既。但佢有陣我覺得奇怪over 左既香草味，我唔鐘意，好似成個感覺多左陣草青味。個咖哩既辣食左會keep 住係口入面一段時間，愈食愈辣，唔食得辣既朋友就千萬唔好亂來！瓜一樣無味，我懷疑佢應該所有瓜都係清水白恰，諗住伴碟靚啲，無乜人食咁樣，偏偏我食左lol
· 雞扒辣肉腸意粉 $98（7/10）
個意粉係扁身，易咬易食所以我鐘意。辣肉腸似芝士腸口味，大條夠厚肉，一定好食啦fast food嘛。雞扒中等，似大家樂早餐個啲雞扒味，自己想像啦。
——————————————
小食：
· 芝士肉醬焗薯條 $42（6/10）
薯條面個層味入味，底個層就無味。肉醬芝士薯條係分離既，唔特別，少乾瘦，但可以接受。
· 特級小食拼盤（蒜香豬肉腸，香濃芝士腸，炸蝦丸，咖哩角，日式吉列炸蝦，炸雞翼，薯角） $128（6/10）
揀啲黎講，我無試晒
芝士腸：芝士迷必食，咬開入面有濃郁芝士味
炸蝦丸：無特別蝦味，乾
日式吉列炸蝦：蝦肉軟林林，外皮一層適中既炸粉味。唔知係咪我期望咬落去蝦肉應該係彈牙，結果失望左咁解
薯角：同薯條好似，正正常常啦
——————————————
埋單總數$707，我地玩左陣card game，啲貓自動波跳埋黎我隔離，就係咁易撚左一陣貓，環境其實都算得上幾闊落同舒服既，同朋友傾計玩下啊，或者鐘意貓，我會推介。
其實整體食物質素黎講，有得玩咁耐既cafe 之中，佢都算係唔錯了，所以係可以一試既。
張貼
