皇御園 (已結業)

71,避開活動區，找個避世地點，此處openrice相片環境食物可以，評價也不錯，又話九龍灣頂級中菜，吸引去試，要找巴士路線去，不近地鐵站。地點金融國際中心側，最顯眼金光耀眼四面佛，中心大堂又高又闊，這樣大厦香港少見在内地比比皆是，餐廳内部也同樣高樓底，枱寬，空間感大。叫茶後，侍應遞上餐牌， 牙籤大少看完，話無野想食，我也找不到熱門話梅汁浸篙筍，波菜燒賣，問某侍應說叫就有，當想掂後，找高級侍應落單，話無話梅篙荀，燒賣轉鵪鶉蛋，鳳梨酥在甜點牌。鵪鶉蛋燒賣$48，蝦鮮味，蛋質靚，跟翠園差不多。四喜餃子$48，侍應話有隻素菌餃， 又係全有蝦餡，多蝦，肉貴過蝦。魚子醬香煎芋絲夾$60，四邊香脆，中間夾南瓜蓉，芋欠鬆化及芋香。古仿乳鴿蒸飯$188，皮靭，皮厚，選乳鴿問題，未曾食過如此乳鴿，醃方法可以不入味，無酒，無子，红棗放上面令賣相好看，原來红棗碎蒸到跟汁一樣色，勝在汁滲不到飯面。鳳梨酥$50，手工精緻，有趣可愛雞仔，但味道同台灣手信差不多，食時好似好殘忍、咬頭仔食！以此價可在阿一海景小菜套餐，都平過佢，質素及服務都好好多，此處環境算高檔，其他則普通，還有茶都一般。