今日係帶呀媽黎食好野…
阿媽都係鍾意食海鮮野，就帶佢黎d新奇d既海鮮粥底火鍋
安排左一張卡位俾我地，坐得非常舒服
自助區仲非常貼心有手套俾你，方便你食海鮮剝蝦殼咁
我地叫左肉蟹餐，即刻就上左好多新鮮海鮮上枱
d蝦真係仲郁緊…蜆又大大隻
仲有鮑魚，鮮魚片，蟶子
成個set有7款海鮮
仲可以自選6款火鍋配料，3款時蔬
最尾包個粥底，真係飽到你暈
真係所有野都好新鮮，好好食
肉蟹非常厚肉，鮮甜味十足
鮑魚又嫩又鮮，淥完上水都無縮水
鮮魚片
打到咁上下邊爐，侍應哥哥見你尾聲
就放底d粥底材料上黎，可以隨時自由落落個鍋到
個湯底淆好曬d鮮味，再放d粥落去撈勻
真係超級正既海鮮粥，點飽都忍唔住一啖一啖咁食
