阿爺八鮮鍋 (已結業)

🉐新裝修新套餐🉐生猛活海鮮又想任食又想食到高質素嘅食材，咁一定要嗌阿爺八鮮鍋既2.5小時海鮮火鍋放題瘋狂任食😍每位包括咗招牌麻辣雞煲或者芝士雞煲，超級海鮮盒，仲有數十款海鮮火鍋配料飲食，加$20仲可以任飲飲品添😋雞煲我哋就揀咗麻辣雞煲🌶️🐥，麻辣味好香辣度適中，而且雞件好多又啖啖肉😆特色燉湯係滋補雞腳湯🐤🦵🏻，清清地但雞味好濃，份量亦都好多，每人都可以飲到兩至三碗🍲廚師發辦小食：套餐既海鮮盒包咗新鮮鮑魚🐚，肉蟹🦀，龍蝦🦞，大蝦🦐同帶子⚪️。海鮮質素係超級高，食得出係超級新鮮，龍蝦同大蝦超級大隻超多肉，肉蟹亦都係有好多膏。食完佢附送嘅海鮮盒唔夠喉都唔緊要，因為以下依啲海鮮都係任食，包括原隻游水鮑魚🐚，蟶子皇🪱，台灣白鱔皇🐠，深海斑片🐟，龍躉頭腩🐳，海蝦🦐，本地海蟹🦞，象拔蚌片🪸，新鮮魚鰾🐋，廣島生蠔🦪，海花甲🪺，串串水魷🦑，真係食海鮮都食到飽。另外都有多款牛🐮，豬🐷，雞🐣，蔬菜🥦，丸類🍡，餃子🥟任食，無論海鮮愛好者，肉類狂魔或者素食主義者依度都全部可以滿足到，包保每個人都可以食到好飽好滿足🤤最後環境嚟講依度地方寬敞坐得好舒服，服務人員又多又有禮貌，最緊要係冇漏單😁