更多
2019-08-19
3599 瀏覽
今晚來到中環都爹利館Duddell's試一下米芝蓮星級中菜，餐廳位於中環上海灘大廈樓上3-4樓，地點私隱度高。3樓主要係餐廳飲食區，而4樓就係飲下酒傾計地方。而今晚我地就去3樓食晚餐。餐廳佈置比較西式，但亦有圓枱，不失中餐風格，環境格調高雅，服務水準高。黑豚肉叉燒: 黑豚肉肉質非常juicy, 肉雖然厚切，但肥瘦度適中，蜜汁味濃，味道相當好，好有驚喜，係必食之選。鹽香雞: 雞皮香脆，但雞身不算大隻，肉不算厚，雞既味道帶點鹽香咸味，但感覺略為普通，雞肉亦不算非常嫩滑。片皮鴨二食: 鴨皮又簿又脆，配上鴨胸肉，青瓜，葱同醬汁，算是不錯，但以星級價格來講，份量可以再多一點，熱度亦不夠。反而炒鴨肉生菜包，鴨肉炒得非常惹味，配埋生菜味道好夾。竹笙冬菇燉湯: 用上頂級竹笙及花菇來燉，竹笙同花菇都好大件，用料好足，湯亦非常清甜。蟹肉大蝦炒蛋: 蟹肉份量好多，蝦亦非常大隻，但略為不夠爽口，齊體來講是不錯的。椒鹽豆腐: 豆腐炸得外脆內滑，細細粒，一口一啖，非常惹味。牛臉肉: 吃下去有點像牛，每一片都好薄好滑，麻醬味好濃和帶點微辣，有點像川菜，十分特別。甜點: 壽包/西米焗布丁/蛋白杏仁露/棗皇糕由於已經
黑豚肉叉燒: 黑豚肉肉質非常juicy, 肉雖然厚切，但肥瘦度適中，蜜汁味濃，味道相當好，好有驚喜，係必食之選。
鹽香雞: 雞皮香脆，但雞身不算大隻，肉不算厚，雞既味道帶點鹽香咸味，但感覺略為普通，雞肉亦不算非常嫩滑。
片皮鴨二食: 鴨皮又簿又脆，配上鴨胸肉，青瓜，葱同醬汁，算是不錯，但以星級價格來講，份量可以再多一點，熱度亦不夠。反而炒鴨肉生菜包，鴨肉炒得非常惹味，配埋生菜味道好夾。
竹笙冬菇燉湯: 用上頂級竹笙及花菇來燉，竹笙同花菇都好大件，用料好足，湯亦非常清甜。
蟹肉大蝦炒蛋: 蟹肉份量好多，蝦亦非常大隻，但略為不夠爽口，齊體來講是不錯的。
椒鹽豆腐: 豆腐炸得外脆內滑，細細粒，一口一啖，非常惹味。
牛臉肉: 吃下去有點像牛，每一片都好薄好滑，麻醬味好濃和帶點微辣，有點像川菜，十分特別。
甜點: 壽包/西米焗布丁/蛋白杏仁露/棗皇糕
由於已經好飽，所以每種甜品衹係淺嘗，其中西米焗布丁及蛋白杏仁露較為出色，但其實以中式甜點來講，就比較普通，可以不試。
張貼
