Lab 66 (已結業)

Lab 66 聽倒個名都覺得幾特別，所以就入左去喇。第一味就叫左個軟殼蟹沙律，隻軟殼蟹都幾大隻，而且仲炸到好脆。其實個沙律都幾大，所以我同朋友share左黎食。慢煮牛扒，啲肉好林好鮮嫩。因為佢真係好林所以切落去嘅時候唔洗好用力，輕輕地就切倒，不過肥肉就有小小多。芝士豬頸肉，睇圖都知有幾多芝士啦！啲芝士多到可以拉絲阿！啲豬頸肉同啲芝士夾埋一啲都唔溜，食落好爽好煙韌。鐘意芝士嘅一定要試下阿！呢度嘅環境好特別，裝修得好有風格，好岩傾偈食下飯。