影片
更多
2016-05-09
1032 瀏覽
好耐無食下午茶嚕！自從轉咗工之後，食飯時間都變得好regular，甚少機會食到下午茶。今日難得放假，就約朋友食返個下午茶。聽講食韓燒嘅炑八有得食下午茶，仲好抵下；之前又未試過食韓式下午茶，一於就去試下啦！有幾抵？個Tea Set就$48，包括3個前菜、海帶湯、一個小食、主菜（八選一）和飲品，如果加 $6還可以無限添加，跟朋友去呢度坐足成個下晝都得喎！主菜以外，還可以加錢配其他食物，如芝士玉米、韓式煎餅、泡菜芝士煎餅等。我同朋友決定各點一個餐，之後加錢叫多咗2樣嘢，再揀埋無限添加特飲，當然唔少得再加多個甜品！我哋為咗呢個下午茶，之前無食LUNCH，食完之後，我們都食唔落晚餐，而去咗做女生最愛嘅事——shopping ！ XDDD我一向對韓式食物嘅前菜興趣不大，所以我通常都直接等食主菜的。等待期間，我就無無聊影下張檯有啲咩～我同朋友 Share 食嘅，咁樣可以試多啲唔同嘅嘢嘛～第一樣嚟嘅主食係「炑八炸雞沙律」（套餐內）。上菜嗰時，其實我覺得有啲意外，因為無諗過沙律會有年糕。炸雞應該係新鮮炸好，因為仲熱嘅，外皮脆，但係食起嚟就覺得啲粉厚咗些少。不過中間嘅肉就幾滑，唔會「鞋」，可能呢個就係厚粉
有幾抵？個Tea Set就$48，包括3個前菜、海帶湯、一個小食、主菜（八選一）和飲品，如果加 $6還可以無限添加，跟朋友去呢度坐足成個下晝都得喎！主菜以外，還可以加錢配其他食物，如芝士玉米、韓式煎餅、泡菜芝士煎餅等。我同朋友決定各點一個餐，之後加錢叫多咗2樣嘢，再揀埋無限添加特飲，當然唔少得再加多個甜品！我哋為咗呢個下午茶，之前無食LUNCH，食完之後，我們都食唔落晚餐，而去咗做女生最愛嘅事——shopping ！ XDDD
我一向對韓式食物嘅前菜興趣不大，所以我通常都直接等食主菜的。等待期間，我就無無聊影下張檯有啲咩～我同朋友 Share 食嘅，咁樣可以試多啲唔同嘅嘢嘛～
第一樣嚟嘅主食係「炑八炸雞沙律」（套餐內）。上菜嗰時，其實我覺得有啲意外，因為無諗過沙律會有年糕。炸雞應該係新鮮炸好，因為仲熱嘅，外皮脆，但係食起嚟就覺得啲粉厚咗些少。不過中間嘅肉就幾滑，唔會「鞋」，可能呢個就係厚粉嘅「功勞」XD。炸雞外面有韓式甜酸醬，令人開胃，唔怪知得係沙律啦！年糕反而無咩味，但都有炸過，口感煙韌。
另一個主菜係「韓式LA骨炒粉絲」。最初，我唔明咩係LA骨，於是請教侍應，點知佢好似畀我難倒咗，要向另一位同事再三確認說其實係指「牛仔骨」。我鍾意牛仔骨，所以聽到之後即刻諗都無諗就點咗。估唔到係用鐵板上嘅，傳嚟好香濃嘅黑椒味，好想食呀！粉絲係韓式粉絲，所以會滑之餘，都幾彈牙，帶點煙韌。牛仔骨啲味整得唔錯，辣度亦適中，啱我胃口。不過，望上去，油就似乎多咗啲喇～
我哋另外加錢點埋「芝士玉米」同「韓式煎餅」。芝士玉米其實好簡單，就係芝士加玉米，但望住啲芝士變溶又可以拉芝，真係會令人食得零舍開心～
韓式煎餅原來係甜架！我一直以為係鹹呢。中間有豆餡，我食到有紅豆。雖然我只係食咗幾啖，因為我個人唔太習慣啲玉桂味；但其實將個餅加埋士多啤梨同啲 cream 一齊食，其實係幾特別嘅。
唔知係咪因為我哋叫得太多嘢，啲飲料遲遲都未到，宜家終於到喇！菊花梳打真係好靚喎，但柚子梳打都唔弱。
菊花梳打
淡淡菊花味，好清新；望住朵花飲，人都開心啲。柚子梳打
雖然無大大朵花，但就將兩片柚子放咗入去杯嘢度，證明真係「真」柚子XDD
同個女仔朋友一齊，又點會唔試埋甜品丫！本來我係想點朱古力綿花冰，點知無，紅豆我之前又食過，咁最後就揀咗「宇治金時冰沫」囉！
一嚟到，我已經好驚，因為好驚搞唔掂，真係好大座，好大碗呀lol！！！相機食完之後，我同朋友就開始同座冰作戰。好彩啲冰磨得好幼細，所以食都EASY D！我最鍾意啲麻糬呀，趁我朋友唔為意，我食咗4粒，多佢1粒XDDD 食到中間，發現中間原來仲有紅豆蓉……真係食咗好耐先食完呀我哋……唔好以為只係得冰，座冰最上面有抹茶粉，食落都幾堅，而且會覺得有啲「甘」，所以個冰係會送埋煉奶畀你自己加，我哋加咗，勁好味！（不過無影到^^”）
原來我漏咗「韓式迷你熱狗」未講。上網睇返，原來呢個熱狗最近好hit，當地人都仲食緊。不過，可能我食唔慣，同埋本身對熱狗興趣不大，所以吃了也感覺不太大呢。呢餐真係飽到我晚餐都無食到，因為實在太豐富！！但加埋一之後，每人$100蚊都唔使，仲可以任飲……
張貼
