Haru Haru (已結業)

平時經過都唔多覺既韓食小店，今次友人帶我去，我都仲係冇印象有間韓國食店係黑布街。 門面好多食物相，店內係塗鴉裝飾，雖然椅座位好平民，但枱櫈都夠大，坐得舒服。原來有大大個招牌燈牌，下次實認到啦。一坐下來，就送上前菜，包括脆肉瓜，醬油薯仔，泡菜。估唔到醬油薯仔睇落平平無奇，原來好好味，好粉綿又入味，醬油味好有住家菜感覺。泡菜好正宗比較辣。韓式水冷麵（$55）：好多冷冰超清爽，又唔會令到個湯底變淡。食完炸雞食水冷麵，熱仔氣全消，立即涼哂。個湯底好清甜，帶微酸，好開胃。有梨絲，青瓜絲好爽脆。個麵好Q彈，好似蒟蒻麵，好好咬又唔膩。材料簡單都令人滿足。無骨炸雞（香蔥）半份（$79）：無骨炸雞啖啖肉，最啱懶人食。今次揀咗香蔥味，惹味好多。不過醬油太多，最底嘅炸雞鹹咗少少。半份的份量都好多，好大碗抵食。而且有沙律及醃蘿蔔附送，平衡油膩感。炸雞好多肉汁，岩岩炸起熱辣辣，炸皮夠薄夠香脆。總捨，雖然環境平民，裝飾普通，但食物好味價錢又平，份量多好抵食。而且有種家的感覺，店員好友善。