阿里郎熱狗棒 (已結業)

由呢間鋪未開，裝修緊嘅時候已經好想試佢嘅熱狗！呢間來自韓國嘅過江龍，位於旺角洗衣街嘅角位，相當顯眼。而佢哋請嘅員工都非常國際化，有韓國人、(應該係)印巴籍等等，但服務態度都好好。佢嘅選擇都幾多元，有薯冇薯、單芝鴛鴦芝、有腸冇腸等等。今次就揀左脆薯芝士熱狗棒。佢炸完一上架嘅時候已經好吸引，隔離仲有各款醬料，例如芥末、芝士、蕃茄、辣醬同牛油粉等比人任加，好似有得食之餘仲有得玩～裏面個拉芝真系拉得好長，外面d薯仔又炸得好香口，真係好邪惡！但略嫌佢芝士味唔係太重，可能係為咗拉芝個彈性而加左d粉。價錢方面就平均$30幾蚊一條，唔係話太貴。但都幾heavy😂, 都要抖返一排先食可以第二次。