影片
更多
2022-04-09
21 瀏覽
疫情下無得去旅行，第五波下更加連staycation都唔敢去，唯有四周圍搵d 特式餐廳及食物解下悶啦。位於屯門市廣場嘅Kuru Lab係一間以貓咪為主題嘅韓式烘焙店，除左周圍有好多貓咪嘅擺設做裝飾外，飲品杯都有用到超級可愛嘅貓貓杯架。餐廳以半開放式屋仔設計，座位唔多，但由於疫情仍然嚴峻，所以都係買返屋企食算啦。食物方面，呢度主打嘅韓系療癒小吃，由近期好興嘅牛角包窩夫，到烏冬、pizza、以及有段時間要排幾個鐘隊先食到嘅韓式厚多士，甚至貓型麵包同鹹甜批點都唔少得。我地試左一系列唔同嘅食物，有熱狗，厚多士，牛角包窩夫同埋批。黑松露雜菌熱狗： 熱狗包食落外脆內軟，入口唔會過乾，彈牙得黎仲頗有口感，加入珍寶腸同海量嘅黑松露雜菌醬後味道極為香濃，令到熱狗有一番獨特嘅風味，係其他地方好少會體驗到。粟米雞肉熱狗: 脆皮腸上放上加入左蛋黃醬嘅雞肉碎及粟米粒，鹹嘅熱狗腸配上甜嘅雞肉粟米，一口鹹一口甜能帶出強烈對比，層次非常豐富，兩者配搭非常夾。韓式泡菜豬肉厚多士：近年食到韓式厚多士嘅店鋪開到成巷成市，每間鋪嘅厚多士都非常吸睛，好多地方更以盒子吐司為主題去吸引客人光臨，甚至打卡，呢度嘅都唔例外。厚多士選擇
位於屯門市廣場嘅Kuru Lab係一間以貓咪為主題嘅韓式烘焙店，除左周圍有好多貓咪嘅擺設做裝飾外，飲品杯都有用到超級可愛嘅貓貓杯架。
餐廳以半開放式屋仔設計，座位唔多，但由於疫情仍然嚴峻，所以都係買返屋企食算啦。
食物方面，呢度主打嘅韓系療癒小吃，由近期好興嘅牛角包窩夫，到烏冬、pizza、以及有段時間要排幾個鐘隊先食到嘅韓式厚多士，甚至貓型麵包同鹹甜批點都唔少得。我地試左一系列唔同嘅食物，有熱狗，厚多士，牛角包窩夫同埋批。
黑松露雜菌熱狗： 熱狗包食落外脆內軟，入口唔會過乾，彈牙得黎仲頗有口感，加入珍寶腸同海量嘅黑松露雜菌醬後味道極為香濃，令到熱狗有一番獨特嘅風味，係其他地方好少會體驗到。
粟米雞肉熱狗: 脆皮腸上放上加入左蛋黃醬嘅雞肉碎及粟米粒，鹹嘅熱狗腸配上甜嘅雞肉粟米，一口鹹一口甜能帶出強烈對比，層次非常豐富，兩者配搭非常夾。
韓式泡菜豬肉厚多士：近年食到韓式厚多士嘅店鋪開到成巷成市，每間鋪嘅厚多士都非常吸睛，好多地方更以盒子吐司為主題去吸引客人光臨，甚至打卡，呢度嘅都唔例外。
厚多士選擇有好多，我地揀左「韓式泡菜豬肉厚多士」。
厚多士用上特厚麵包，烤過後香脆可口，除左夾左泡菜豬肉之外仲有芝士，豐富之餘仲相當惹味，唔會有太重嘅油膩感。吐司賣相極之精緻，用牛油紙包著再放入吐司盒入面，非常吸睛。
牛角包平時就食得多，但係加左配料去做鹹點或甜品就比較少食，近年仲興起用牛角包去整窩夫，有別於用秘製嘅粉漿，牛角包窩夫用牛角包直接放入窩夫機到夾扁佢，再加配料去造出相應嘅鹹點同甜點。我地試左一個甜嘅：
鮮芒果牛角包窩夫: 牛角包牛油味相當香濃，酥皮層次分明，外層香脆，內層鬆軟，日本直送濃厚忌廉同特選熟成芒果呢個配搭可以消除牛角包嘅油膩感，食落非常清新，天氣開始熱嘅時候食簡直可以消暑，絕對係令人滿足嘅甜品。
餐廳最近又推出左鮮果批系列，採用日韓新鮮水果同濃郁牛油味嘅自家製酥皮，每小時新鮮製作。
蘋果吉士忌廉批：蘋果批係用到日本青森蘋果，以低溫慢煮法令蘋果更清甜爽脆，濃郁嘅吉士忌廉配上清甜嘅蘋果以及鬆脆嘅酥皮，入口外脆內軟，極有層次感，非常好味。
濟洲柚子菠蘿批:
韓國濟洲柚子配上黃金菠蘿製成嘅餡料釀入新鮮鬆脆嘅酥皮，餡料非常多，啖啖香甜嘅果肉配上香濃牛油味嘅酥皮帶出多重口感，真係令人一啖接一啖咁食落去。
張貼
