大牛骨通常用來煮牛肉高湯用，因為骨位肉味香濃，估唔到用來做燒肉，肉質彈牙又有口感，油脂唔多，點少少海鹽就已經帶起牛肉本身嘅香甜味。而大牛骨肉厚較難全條燒熟，所以餐廳都好貼心，預先燒好四成熟，切好四方粒粒。
🔹醬油小牛排
牛小排油花分布均勻，肉質有光澤，入口唔肥膩，微微焦香更顯香口牛肉味，加上已經有醬油稍稍調味，燒起來更多汁，唔使點任何醬料都好好食！
🔸濟州特上豬肉拼盤
有豬皮，豬脾骨，梅花肉條～ 豬皮有預先調製，燒完入口軟稔，甜甜鹹鹹的，零肥膩感，膠質豐富，滿滿膠原蛋白。另外豬脾骨非常厚身又大件，豬肉非常入味仲勁juicy，建議全件燒，等外層收乾醬汁後就剪開細件，較容易燒熟又唔會燒焦。相比起梅花肉條就肉質彈牙，肉味濃郁入味，更有口感彈牙。
🔹牛·燒肉飯
燒好嘅肥牛多汁juicy，配上香濃流心蛋，撈飯一流。如果一定要食飯嘅碳水控，點個燒牛飯就一定滿足到你。
🔸蘋果梨汁雞肉
雞肉鬆軟因為用上用蘋果梨汁醃雞肉，肉質更鮮甜有彈性，燒完仲keep住非常juicy，忍唔住雞皮都食埋。
🔹韓國鰻魚半份
鰻魚本身油脂豐富，魚皮先燒，自身魚油燒到魚皮超香脆可口，而且肉質光澤，濕潤又彈牙，沾少少鰻魚汁更惹味。
🔸朱古力棉花糖
食完咁多邪惡嘅燒肉，唔爭在食埋朱古力棉花糖！我真係超級無敵愛食燒棉花糖，半溶化之間軟綿綿的，夾住朱古力消化餅真係冇得輸。
🔹荔枝特飲&濟州柑橘特飲
荔枝，柑橘同樣清新，加上梳打水非常消熱氣感！燒肉配梳打就好似啤酒配炸雞，一定要飲！
