影片
更多
2018-11-25
92 瀏覽
之前行朗豪坊經過幾次，一直都俾佢嘅裝修吸引，舖面嘅裝修一啲都唔似食店，所以總係會忍唔住行埋去望下佢嘅Menu，但每次都係食飽先經過，所以都冇機會試呢排因為朗豪坊有我鍾意嘅TsumTsum Event，所以就專登襯放假過去行下影下相，突然諗起呢間韓燒，就即刻決定試下去到門口，出面有幾個人等緊，我地排第二張枱，所以就八卦望下門口嘅飲品做得真係好精美，簡單嘅風格，飲品款式唔算好多，主要係果汁、沙冰、梳打⋯等咗5分鐘就已經入得，抬頭見到呢個燈飾，忍唔住影低佢入到去好清新，一啲燒烤味都冇，完全唔駛擔心食完會成身味不過因為今次嚟到嘅時間比較早，所以都食唔到咁多野今次嚟得就係為咗食韓燒啦我地揀咗特級1++韓牛拼盤佢左下角有三款粉，一隻係辣椒粉，辣味唔重，但好香；中間係孜然粉，係我最鍾意嘅，點粉粉之後放落去燒，好香，好夾；第三隻係普通鹽嚟。首先講下個特級1++韓牛牛柳啦，厚切，啖啖肉，每邊燒分半鐘左右啱啱好我本人好鍾意而呢個係特級1++韓牛肉眼，我朋友話叫我推介下，因為佢比較鍾意呢個，好重牛味，的確係好香而最後一款係西冷，西冷燒嘅話每邊燒一分鐘左右已經好夠，雖然我燒得耐咗，但都冇好韌，只係賣相冇咁靚之
呢排因為朗豪坊有我鍾意嘅TsumTsum Event，所以就專登襯放假過去行下影下相，突然諗起呢間韓燒，就即刻決定試下
去到門口，出面有幾個人等緊，我地排第二張枱，所以就八卦望下門口嘅飲品
做得真係好精美，簡單嘅風格，飲品款式唔算好多，主要係果汁、沙冰、梳打⋯
等咗5分鐘就已經入得，抬頭見到呢個燈飾，忍唔住影低佢入到去好清新，一啲燒烤味都冇，完全唔駛擔心食完會成身味
不過因為今次嚟到嘅時間比較早，所以都食唔到咁多野
特級1++韓牛拼盤
6 瀏覽
0 讚好
0 留言
今次嚟得就係為咗食韓燒啦
我地揀咗特級1++韓牛拼盤
佢左下角有三款粉，一隻係辣椒粉，辣味唔重，但好香；中間係孜然粉，係我最鍾意嘅，點粉粉之後放落去燒，好香，好夾；第三隻係普通鹽嚟。
特級1++韓牛牛柳
6 瀏覽
0 讚好
0 留言
首先講下個特級1++韓牛牛柳啦，厚切，啖啖肉，每邊燒分半鐘左右啱啱好我本人好鍾意
特級1++韓牛肉眼
2 瀏覽
0 讚好
0 留言
而呢個係特級1++韓牛肉眼，我朋友話叫我推介下，因為佢比較鍾意呢個，好重牛味，的確係好香
而最後一款係西冷，西冷燒嘅話每邊燒一分鐘左右已經好夠，雖然我燒得耐咗，但都冇好韌，只係賣相冇咁靚
之後我地叫咗少少海鮮
扇貝
2 瀏覽
0 讚好
0 留言
扇貝好大隻好好味，價錢唔貴，散叫2隻都係58蚊，唔計殻都有我3分之2隻手掌咁大
生蠔
5 瀏覽
0 讚好
0 留言
生蠔，屬於細Size，單叫有3隻，抵㗎！
而且好creamy
菠蘿
4 瀏覽
0 讚好
0 留言
之後侍應仲請我地食菠蘿（枱枱都有㗎！）
作為飯後甜點，我過去好少食燒菠蘿，原來食完肉再食菠蘿有消滯嘅作用
整體嚟講呢齊好滿足！
佢啲牛同海鮮都好新鮮
坐得舒服
佢地連Menu都好特別，好似本筆記簿咁，細微位做得好好！
下次我決定再嚟食佢個鵝肝鐵鍋飯，隔離枱食離遠都聞到好香，但今日真係食唔落了
至於飲品其實我之前飲過佢嘅梳打，飲得出係真鮮果加梳打，唔似得出面其他舖咁甜，健康之選
提提大家！食完攞返張單啊！
因為朗豪坊一般嚟講消費滿$300都會有獎品
今次係TsumTsum遊戲，玩完有小禮物送
張貼
