一韓燒 (已結業)

位於新蒲崗Mikiki shopping mall 嘅《一韓燒》親民價好抵食。店內部分卡位，部分吧檯位，歡迎獨行俠。飽住瘦身有個生酮餐-韓式泡菜黑毛豬五花~沒有澱粉質，換來包烤肉嘅生菜，新鮮夠爽脆，其他韓式泡菜配菜等等都非常美味，五花腩夠曬肥美，烤香咗嘅肥肉真係好吸引。大人氣極上之選套餐-牛小排拼牛橫隔膜~牛小排嘅脂肪含量都唔細，入口非常juicy，橫隔膜口感比較強但唔韌。韓式牛肉餅(50g)~人氣之選，豬柳漢堡啲friend，呢個係牛肉漢堡，啖啖肉好啱小朋友。牛板腱(50g)~呢個牛肉味夠濃，唔太肥，亦都好食。牛脷(100g)~呢個唔使講啦，獨特嘅牛舌香味冇其他部位可以代替，我的至愛。韓式芝士年糕~有說明書教大家點樣烤，一定要有心機，唔好心急，真係好香好滑，食過一定返尋味。玫瑰荔枝梳打&芒果熱情果梳打~韓式特飲方法，勁大杯，食烤肉嘅最佳拍檔。朱古力糯3.6牛乳雪花冰~第一次食朱古力雪花冰，平時多數食水果味，呢個仲有一粒糯米糍，朱古力雪糕正，夠甜奶，食到尾都覺「水」。柚子蜜糖牛角包窩夫~ 都興咗一排嘅韓式甜品-牛角包窩夫，呢個加入柚子醬。今餐飽飽好滿足。