辛手村 (已結業)

旺角覓食，見到門面咁靚就入咗嚟試下本身以為係韓式Cafe，點知係食fusion嘅乾鍋我哋叫就試咗個日式mix川味~日式壽喜燒味乾鍋(配五花肉、蝦、午餐肉、冬菇）真係好創新，第一次食壽喜燒係乾身嘅。鹹甜鹹甜好開胃，個汁配咩菜都正。本身會跟咗薯仔，娃娃菜，都超入味！餸飯一流。 娃娃菜值得再單點😆 蝦都會成6隻,五花肉就係薄切嘅，牛餐肉正常好，冬菇好好味😍~芭樂烏龍冰茶$34幾清新，水果味會喺後面先出嚟。 因為主菜嘅所有野都吸哂啲味，所以食耐咗就會略鹹😆加埋杯野飲就啱啱 ，成個fresh哂~荔枝烏龍冰茶$34同上~日式燒鰻魚$38🌻京蔥厚燒五花肉$42🌻川燒豬頸肉$38🌻川串牛舌$28🌻川燒翠玉瓜$20🌻辛手雞棒肉串$32串燒其實全部都好好食，食得出落重粉，特別雞肉棒必點，聽店員講係自家製嘅，勁鐘意，真係食得出比出面嘅多嘅軟骨，口感好正。