新麻蒲 BBQ (東港城) (已結業)

牛/豬肉套餐+特級午市套餐圖入面係兩個套餐加埋份量。一個人食一個餐絕對夠飽。今日就同朋友一齊share兩份烤肉再加一個湯一個面，可以試到多啲唔同嘅嘢。牛肋排係有醃製過，醃得非常入味，唔使再加其他醬就咁食已經好夠味。另外護心肉霜降牛肉同五花肉都係無醃過，將佢地燒到微微金黃色就可以食，護心肉同牛肉好juice，而五花肉就脆脆地好香口，怕膩既就配埋生菜拌菜食一流！而且每份套餐都會有冬菇金菇雞髀菇，燒完之後唔會太乾身，不過要小心唔好燒燶！另外跟燒肉套餐既飯係紫菜飯，佢比普通白飯香好多！烤肉與冷麵烤豬肉甜甜地好開胃，相入面好似唔係好多塊肉但食埋去其實岩岩好，再多d就會太濟。冷麵黎到職員會幫我地剪開，再根據自己嘅口味加上芥末同醋，酸酸地同烤肉一齊食好夾。風味牛排骨肉湯配白飯 牛骨湯牛味非常濃，但不重口味。肉質較軟，容易咀嚼，肉味香濃。點牛骨湯亦會免費配飯，湯入面仲有韓國粉絲，成碗湯超足料。拌菜就有泡菜、青瓜海帶芽、洋蔥烤肉汁同埋大豆芽拌蔥、沙律，就算唔係食燒肉都會有拌菜，不過食燒肉既話仲有埋爐邊蛋！