影片
更多
2017-05-17
38 瀏覽
本身諗住入西貢食海鮮，但放工已經七點幾，我個fd話入到西貢都天光啦，於是就不如去試下行街附近呢間九重鮮。我地揀左食首爾塔套餐，要素菜鮮魚湯底~揀完野食，店員叫我地揀醬汁，D醬汁唔同一般打邊爐豉油，有黑蒜油，香茅，蝦豉油，辣豆瓣醬等等。4個前菜可以refill嫁，個人好鍾意個泡菜，辣度適中又唔太重口味😂蒸鍋上有溫度計，店員話95度就食得，我地都好緊張金睛火眼咁望住個數字😂開餐喇，每一層都有唔同既海鮮，魚蝦蟹鮑魚花甲蟶子乜都有，我個人非常欣賞佢有心思地安排每一層都有唔同既蔬菜，唔洗食到滯晒雖然店員比左特別醬汁我地，但係D海鮮好新鮮，唔洗點汁都已經好好鮮甜，又唔會話蒸到過熟韌晒或者太生。拿拿拿，你睇下，D蟹竟然有蟹膏嫁😨呢個位真係有驚喜呀仲有我覺得果粒唔起眼的韓式芝士丸真係好。好。食！！（ps 我仲以為係平時打邊爐果d芝心丸咁Hea，點知一咬落去就雙眼發光了😂）最後一層，就係海鮮粥底，一切既精華呀！☺咁多層既海鮮汁滴晒落去，想唔好食都好難😂店員話，個粥既份量比出面正常既多，方便我地食唔晒拎走下餐再食過幫我地慳埋第二日早餐😂總結今餐海鮮之旅大成功！下次除左入西貢，原來近近地，都有新鮮又好食又唔
我地揀左食首爾塔套餐，要素菜鮮魚湯底~揀完野食，店員叫我地揀醬汁，D醬汁唔同一般打邊爐豉油，有黑蒜油，香茅，蝦豉油，辣豆瓣醬等等。
4個前菜可以refill嫁，個人好鍾意個泡菜，辣度適中又唔太重口味😂
蒸鍋上有溫度計，店員話95度就食得，我地都好緊張金睛火眼咁望住個數字😂
開餐喇，每一層都有唔同既海鮮，魚蝦蟹鮑魚花甲蟶子乜都有，我個人非常欣賞佢有心思地安排每一層都有唔同既蔬菜，唔洗食到滯晒
雖然店員比左特別醬汁我地，但係D海鮮好新鮮，唔洗點汁都已經好好鮮甜，又唔會話蒸到過熟韌晒或者太生。
拿拿拿，你睇下，D蟹竟然有蟹膏嫁😨呢個位真係有驚喜呀
仲有我覺得果粒唔起眼的韓式芝士丸真係好。好。食！！（ps 我仲以為係平時打邊爐果d芝心丸咁Hea，點知一咬落去就雙眼發光了😂）
最後一層，就係海鮮粥底，一切既精華呀！☺咁多層既海鮮汁滴晒落去，想唔好食都好難😂店員話，個粥既份量比出面正常既多，方便我地食唔晒拎走下餐再食過幫我地慳埋第二日早餐😂
總結今餐海鮮之旅大成功！下次除左入西貢，原來近近地，都有新鮮又好食又唔係天價既海鮮食
張貼
