Sodam Chicken (已結業)

中環要食韓國料理一定會諗起Sodam Chicken，係蘭桂芳真係好方便。今日去中環shopping前食個lunch先。中午去陽光很好。新菜式的三重雞鍋$398，有齊韓式炸雞+春川辣雞+安東燉雞，全部都係韓國大熱，今次可以一次過食晒！仲包2杯飲品，蜂蜜檸檬綠茶味道唔錯，很滋潤。蜜桃汁桃味很濃郁。三重雞鍋都好大份，3人share食都ok!建議先食炸雞，外皮脆得黎又十分鬆化，而且雞肉很juicy，yummy！一邊食一邊煮，見到雞煲配菜也十分豐富，春川辣雞有椰菜、紅蘿蔔、洋蔥、韓式年糕，雞肉很軟嫩，唔會好辣，仲好惹味。想轉甜味，就食安東燉雞，有洋蔥、紅蘿蔔、薯仔、冬粉、雞蛋，個湯底味道非常濃郁又地道，薯仔夠稔身，雞肉入晒味。如果食到後段覺得味太濃，可以加水。可免費追加三款配料，我地揀左午餐肉、娃娃菜和紫薯年糕，可以兩邊鍋都試下不同口味。