LAB10 (已結業)

發現一間新開的韓式燒肉店Lab 10，新到連location都未tag到，有別一般燒肉店，店面好光亮，感覺簡單乾淨。燒烤爐抽風系統特別好，食完燒肉個頭完全唔臭首先叫左個精選和牛拼盤，有4種牛肉，厚切牛舌，牛肋條，牛後腹肉同牛小排。牛肉旁仲有三種調味粉用來調肉味。牛舌真係好厚，無1cm都有8mm，好爽口又有咬口牛肋條無肥肉，瘦得黎仲好唸，好食過牛柳條牛後腹肉脂肪分佈好好，嫩滑多汁，入口即溶牛小排食落似一塊小牛排，好新鮮牛味。牛肉他他配牛油果幾特別, 高炒視覺係一個傻傻你哈哈笑樣，生牛肉配上蒜蓉汁好易入口，仲有大量洋蔥牛油果，成功帶出韓牛鮮味。海鮮蔥餅好足料，蜆，蝦，魷魚等一應俱全，蔥都有好多仲好香，沒有落過多粉所以保留到又薄又脆的煎餅本質，煎餅汁酸酸甜甜好開胃。Goldcoast 係芒果蜜桃smoothie, 沙冰打得好碎飲落係滑的，芒果同桃味都好夾，唔會過甜。熱的蜜糖薑綠茶薑味越飲越濃，辣得黎好暖胃，啱晒寒底的女仔飲。另外餐廳所有飲品都用雙層玻璃杯去裝，貼心位係用左呢種杯，幾凍幾熱的飲品拿上手都唔會覺得辣手。