影片
更多
2016-02-06
321 瀏覽
香港有條韓國街，喺韓風大熱嘅今日，新舊韓式食肆更加係花多眼亂，競爭激烈。今日落住微雨，本來無心食韓國嘢，但見到韓藉老闆好熱情積極咁介紹，又用半鹹淡廣東話講:「好食㗎，信我」態度滿分，笑容誠懇，咁有HEART,應該啲嘢都好食啩。 餐廳裝修好聽叫簡約，實情係簡陋，只係幾盞射燈同牆上嘅特大MENU,整體都係光猛乾淨，比到人平實樸素嘅感覺。 餐牌嘅選擇同樣簡潔，分麵、飯、湯同煎炸食品，午餐同晚餐MENU斤斤乎一樣，只係午餐無需加一服務費同加飲品係$8而非$10,今日天陰陰凍凍地，食湯飯就最正。侍應連隨奉上三式前菜，水準中規中矩，夠凍，幾開胃。 泡菜湯/豆腐湯$58石頭鍋盛載住熱氣沸騰嘅韓式辣湯，叭喇叭喇咁上枱，其實兩個湯都有豆腐同泡泡菜，只係豆腐湯多啲豆腐，泡菜湯多啲泡菜同一隻生雞蛋。湯底甜甜辣辣。隨湯附送白飯一小個，撈湯食，飯粒吸收晒辣湯精華，開胃又暖身。 韓式醬油炸雞$168食緊湯飯已覺意猶未盡，再次要求老闆介紹一下，佢問我哋飽未，如果未就一定要試吓炸雞，雖然今日唔飲啤酒，不過學千頌伊咁講「下雨了，怎樣能沒有炸雞啤酒？」又即管試吓佢推介嘅醬油炸
香港有條韓國街，喺韓風大熱嘅今日，新舊韓式食肆更加係花多眼亂，競爭激烈。今日落住微雨，本來無心食韓國嘢，但見到韓藉老闆好熱情積極咁介紹，又用半鹹淡廣東話講:「好食㗎，信我」態度滿分，笑容誠懇，咁有HEART,應該啲嘢都好食啩。
餐廳裝修好聽叫簡約，實情係簡陋，只係幾盞射燈同牆上嘅特大MENU,整體都係光猛乾淨，比到人平實樸素嘅感覺。
餐牌嘅選擇同樣簡潔，分麵、飯、湯同煎炸食品，午餐同晚餐MENU斤斤乎一樣，只係午餐無需加一服務費同加飲品係$8而非$10,今日天陰陰凍凍地，食湯飯就最正。侍應連隨奉上三式前菜，水準中規中矩，夠凍，幾開胃。
泡菜湯豆腐湯跟飯
$58
35 瀏覽
0 讚好
0 留言
泡菜湯/豆腐湯$58
石頭鍋盛載住熱氣沸騰嘅韓式辣湯，叭喇叭喇咁上枱，其實兩個湯都有豆腐同泡泡菜，只係豆腐湯多啲豆腐，泡菜湯多啲泡菜同一隻生雞蛋。湯底甜甜辣辣。隨湯附送白飯一小個，撈湯食，飯粒吸收晒辣湯精華，開胃又暖身。
韓式醬油炸雞
$168
45 瀏覽
0 讚好
0 留言
韓式醬油炸雞$168
食緊湯飯已覺意猶未盡，再次要求老闆介紹一下，佢問我哋飽未，如果未就一定要試吓炸雞，雖然今日唔飲啤酒，不過學千頌伊咁講「下雨了，怎樣能沒有炸雞啤酒？」又即管試吓佢推介嘅醬油炸雞。
呢個韓式醬油炸雞，不得之了，係用原隻雞即叫即炸，炸起先撈上甜甜嘅醬油，要讚嘅係雞件表面保持乾爽，咬落非常鬆脆，炸漿唔黐牙，唔會滯口，雞肉嫩滑多汁，而且雞味濃郁，既鬆化又唔油膩，沾滿汁醬又唔會影響口感，從來未食過咁高水平嘅炸雞，食到飽晒都仍然回味無窮。
山不在高，有仙則名，呢間小店標榜所有料理都係地道韓國厨師烹調，食完咁出色嘅炸雞，我相信，亦相信下次食韓式炸雞必定喺嚟呢度，食令我返唔到轉頭嘅韓式醬油炸雞。欣賞老闆嘅積極，走嘅時候，多謝佢嘅介紹，亦希望佢誠意嘅微笑可以令多啲客人試到佢哋嘅出品。
張貼
