CHIMAC (QRE Plaza) (已結業)

夜晚過到嚟位於灣仔qre 嘅Chimac食炸雞。餐廳係先比錢後取餐，主打韓式炸雞。要留意嘅係堂食嘅話呢呢度淨係得四張枱，lunch hour要有心理準備要等下位。我哋兩個人要咗一份特攻炸雞盒，裡面包括 原味炸雞六件，自選口味炸雞六件， 兩款主食，兩款小食同兩杯嘢飲。原味炸雞腿肉 炸雞啱啱炸起熱辣辣。 依度嘅炸雞已經幫你去曬骨，連皮一齊炸。 咬落外皮脆卜卜， 腿肉嫩滑多汁， 食落一啲都唔覺得油膩。韓式黑炸醬雞黑炸醬炸雞幾特別，食落去好似韓式炸醬咁。 不過食得多會有啲膩。細韓式炒粉絲粉絲炒得乾身食落彈牙。配上少許紅蘿蔔絲冬菇絲同椰菜絲，口感幾好。美中不足嘅係粉絲身冇乜調味， 食落有少少淡。 配炸雞食好似唔係好夾。 如果真係想食粉絲嘅朋友建議揀一啲多醬汁嘅炸雞配住黎食。細紫菜飯我估冇乜客人會點紫菜飯嚟食，因為一聽個名就知道係冇餸嘅，係一碗飯上面加咗少許紫菜。 但係我發現紫菜飯配著炸雞嚟食異常地夾。 紫菜飯本身比較清淡， 配上比較濃味嘅炸雞，味道反而啱啱好唔會太膩。炸紫菜捲炸紫菜捲有四件， 紫菜入麵包裹住一啲粉絲攞去炸。 食落香脆，可惜味道比較淡。魚糕串魚糕串有四串， 食落煙煙靭靭，點啲豉油黎