阿里郎熱狗棒 (已結業)

同朋友去旺角行街，行到奶路臣街見到有間熱狗棒店，啲熱狗棒外形好特別，好吸引 我同朋友睇完個餐牌，睇咗個【任意熱狗4個組合 $120】就揀咗4款唔同嘅熱狗棒，全部都即叫即炸，外層炸到金黃色又鬆脆，咬落口感熱辣辣，脆卜卜，內裡有芝士腸，仲有邪惡到爆嘅拉絲芝士，裡面嘅芝士仲可以拉到好長；每款口味唔同，味道仲好味道 《薯條鴛鴦芝腸》外層係粒粒薯粒包圍住，咬落酥脆，內裡有芝士腸。《車打芝士》外層灑上黑芝麻，咬到裡面嘅芝士腸及芝士，香脆好味。《芝薯拉絲》薯粒包住，咬落脆卜卜，內裡有溶溶嘅拉絲芝士。《鴛鴦芝腸》內裡有芝士腸 + 芝士旁邊有醬料，可自行加配料，有茄汁、蜂蜜芥末、車打芝士醬及泰式甜辣醬 另外再叫咗個【芝士球5粒 + 炸薯條組合 $40】5粒大大粒嘅芝士球，味道少少甜，咬落煙煙韌韌，中間有粒軟綿綿芝士，好味道；配埋熱辣辣嘅香脆炸薯條。加多咗一串【年糕香腸串 $20】年糕外層炸香脆，內裡咬落煙煙韌韌，隔住香腸，食落就唔會覺得太膩 本身揀韓式特飲，店員話已經賣哂，最後就揀咗兩罐【忌廉溝鮮奶 $10】 4個人一齊食都係二百蚊到，食完夠哂飽，抵食好味 阿里郎熱狗棒 Arirang Hot Dog旺