影片
更多
2016-02-26
268 瀏覽
「寒冰掌 又推開兩件～」Sorry，見到個店名腦海自然會浮現呢首老歌講返正題，韓菜我好鍾意食，但刨冰就真係麻麻，可能因為唔喜歡黃豆粉。呢晚食完飯唔夠飽，仲想搵嘢食，朋友就建議去呢度。聽聞除左刨冰，仲有小食供應，咁都好。未食冰先來個甜辣炸雞（$110），分量唔太多但賣得貴，炸雞仲要唔係正式果d大大件，係比較碎濕濕。無論賣相（夾雜左青椒、洋蔥等）、顏色、味道，我絕對懷疑係畀錯左咕嚕肉我，只係豬變左雞。不過咁，如果你係唔記得叫左炸雞的話，獨立黎畀分係幾高嘅，酸酸甜甜夠開胃嘛。因為突然好想食麵，就叫左Hanbing拉麵（$58），冠上店名的拉麵好似好犀利，其實即係一般辛X麵，再加隻炸餃子同半隻烚蛋。你話好特別同值呢個價錢嗎？當然不，但有時就係咁，你好想食一樣嘢果陣，同埋同朋友分甘同味果陣，味道就會提升，就算每人食得一兩啖都滋味。如果唔係⋯都係勸大家係屋企煮好了。Warm up左個胃，係時候食正餐。紅豆豆粉雪花冰（$75）鋪滿黃豆粉，唔⋯都試下啦。韓式雪花冰特色係比較綿，唔係刨成冰粒，入口即溶。裡面溝左牛奶，所以帶少少奶香。紅豆蓉唔太甜，整體都幾清。唔想畀黃豆粉嗆到，可以拌勻d冰先食。一碗冰分量
未食冰先來個甜辣炸雞（$110），分量唔太多但賣得貴，炸雞仲要唔係正式果d大大件，係比較碎濕濕。無論賣相（夾雜左青椒、洋蔥等）、顏色、味道，我絕對懷疑係畀錯左咕嚕肉我，只係豬變左雞。不過咁，如果你係唔記得叫左炸雞的話，獨立黎畀分係幾高嘅，酸酸甜甜夠開胃嘛。
因為突然好想食麵，就叫左Hanbing拉麵（$58），冠上店名的拉麵好似好犀利，其實即係一般辛X麵，再加隻炸餃子同半隻烚蛋。你話好特別同值呢個價錢嗎？當然不，但有時就係咁，你好想食一樣嘢果陣，同埋同朋友分甘同味果陣，味道就會提升，就算每人食得一兩啖都滋味。如果唔係⋯都係勸大家係屋企煮好了。
Warm up左個胃，係時候食正餐。紅豆豆粉雪花冰（$75）鋪滿黃豆粉，唔⋯都試下啦。韓式雪花冰特色係比較綿，唔係刨成冰粒，入口即溶。裡面溝左牛奶，所以帶少少奶香。紅豆蓉唔太甜，整體都幾清。唔想畀黃豆粉嗆到，可以拌勻d冰先食。一碗冰分量都唔少，最好兩三人share。
另一款藍莓芝士雪花冰（$85）冇咩期望反而有驚喜，雪花冰淋上藍莓醬甜中帶少少酸，夾雜埋芝士蛋糕的微鹹，仲有上面雪糕的冰凍幼滑，真係百感交雜，味道比豆粉冰豐富得多。
值得去指數：
題外話/補充資料：
注意呢度雖位處Times Square，但位置極隱秘，介乎9樓同10樓之間，仲要搭另一條電梯上，要花點時間搵。
(以上食評乃用戶個人意見 , 並不代表OpenRice之觀點。)
張貼
