韓城林(韓國)美食店

買咗韓城林嘅團購。位處寶勒巷, 係地舖, 唔難揾, 但門面有 d 兜踎, 黄色底嘅噴漆招牌, 加幾支射燈照住就算嘞, 真係似橫街嘅雲南米線店多 d !

二人套餐包括 :

人參雞 : 有好多雞肉, 但唔見條狀或片狀嘅人參, 祇見到小碎塊狀嘅人參, 飲吓個湯, 夠熱, 飲到有參味, 亦有雞味, 味道不錯, 而雞肉亦唔嚡, 幾好!

韓式煎餅 : 新鮮熱辣, 有蛋味, 口感佳, 唔錯。

牛肉石鍋飯 : 牛肉普通, 但煮飯嘅時間就控制得好好, 鍋底剛好形成飯焦, 由於飯焦好薄, 唔硬又唔燶, 食落脆洛洛, 正!

服務方面, 侍應中並冇韓國人, 唔駛講英文, 服務唔錯。

結論 : 韓城林門面比較兜踎, 但係厨藝足以搭夠。