阿里郎熱狗棒 (已結業)

3點3食下午茶的時間，今日被委以重任負責做外賣仔，可以話事揀嘢食，緊係要回味久違的韓國街頭風味啦! 阿里郎熱狗棒即點即炸，而且拉絲熱狗棒的芝士份量十足，一啖尋回置身韓國的感覺啊! 因為多人分享，所以點$120的熱狗小食套餐，包括任選熱狗兩個+Oreo Churros 吉拿棒3條+年糕香腸串，一次過試勻所有美食。怕唔夠分? 另外再加點熱狗和水果味飲料，咁就夠曬喉啦! 薯條鴛鴦芝腸熱狗棒金黃色的熱狗棒，外層是啖啖薯條，包裹著煙韌芝士拉，連埋爽口香腸，豐富的層次口感，難怪是招牌推介。雙重芝士拉絲熱狗韓式熱狗著重芝士拉絲口感，莫薩里拉芝士(Mozzarella) 拼搭車打芝士，一軟一韌，加埋香脆的外層，外脆內軟心，吃得好滋味呢~年糕香腸串油炸的年糕，香口有嚼勁，與迷你香腸拼搭，淋上甜酸醬汁，吃得津津有味，記得要趁熱食啊。Oreo Churros 吉拿棒吃下去味道像冬甩的吉拿棒，配上面層的砂糖，外爽脆，內軟心，難怪是學生們的首選。熱狗飲品套餐選了桃味，是梳打汽水，熱辣辣的天氣，一飲解暑