阿里郎熱狗棒 (已結業)

成日都想試下🇰🇷韓國街頭熱狗終於係香港搵到一間有啦仲有炸雞、魚餅、飯卷同便當款式選擇真係花多眼亂👀由於職員係即叫即整所以要俾啲耐性等下啦叫左個套餐$150‼️有兩件自選🌭️熱狗仲有5件炸雞呀🍗 🔸雙重芝士拉絲芝士控必點之選🤭用左兩款唔同芝士，比起普通單一種芝士香好多，車打芝士鹹香味好出。🔸薯條鴛鴦芝腸一咬落口，外層好脆，內層有薯蓉既口感，好香！再內層係拉絲芝士呀😋好濃味，真係勁邪惡！再咬入d食到腸仔🤤外賣仲會比埋茄汁同蜂蜜芥末醬架😛🔸蜂蜜黃油炸雞 炸雞有5件，拎到翻屋企都係脆卜卜！炸粉唔會太厚，肉質非常香嫩juicy。表面仲灑滿左蜂蜜粉，食落有濃郁嘅牛油味，有蜂蜜甜甜地幾正。🔸芝士球5粒+薯條組合 $40芝士波好大粒，成粒長洲大魚蛋咁大粒，咬開仲要超多芝士🤣食完都覺得好邪惡！薯條🍟係粗身，都係好脆口。