影片
更多
2021-10-21
43 瀏覽
今日放lunch 去咗廣東道嘅流尚坊覓食，純粹因為價錢取勝誤打誤撞上咗嚟Kim’s Deli，一間新開嘅韓國餐廳。餐廳由韓國廚師及老闆娘一家人主理。老闆娘分享，因為佢個人熱愛韓國文化，喺疫情之前不時都會到韓國學習韓式料理烹飪，最近開咗Kim’s Deli，希望香港人可以品嚐正宗韓國美食及感受韓國文化。老闆娘強調不會為迎合市場需要調整味道，堅持做正宗韓國菜，而佢個人最拿手嘅就係做甜品（不過今次冇試到，下次過嚟試吓😜）。午市套餐價錢大概由$58-88不等，喺呢個裝修環境而言真係非常超值。牛肉紫菜飯卷定食 $58～必食推介以牛肉、菠菜、蘿蔔、煎蛋等作為餡料，不得不讚老闆娘煎蛋的功力👍🏼蛋片煎得非常薄，一面煎得金黃香脆，一面蛋香濃郁，我同同事開頭都誤以為係裹上蛋漿嘅煎油豆皮。米飯同紫菜麻油香味充足，而且飯卷唔會卷得過實，令口感豐富有層次。炆牛肋骨鍋 （附送米飯）$88同之前食過嘅炆牛肋骨鍋好大分別，首先湯汁非常濃郁，好香紅棗同白蘿蔔味，有啲似羹嘅狀態，伴飯一流。 而且牛肋骨炆得超淋，完全唔乾好juicy。海鮮滑豆腐海鮮湯 （附送米飯）$78豆腐真係非常嫩滑，蜆味突出，湯內嘅雞蛋剛熟，仲係有少少
老闆娘分享，因為佢個人熱愛韓國文化，喺疫情之前不時都會到韓國學習韓式料理烹飪，最近開咗Kim’s Deli，希望香港人可以品嚐正宗韓國美食及感受韓國文化。老闆娘強調不會為迎合市場需要調整味道，堅持做正宗韓國菜，而佢個人最拿手嘅就係做甜品（不過今次冇試到，下次過嚟試吓😜）。
午市套餐價錢大概由$58-88不等，喺呢個裝修環境而言真係非常超值。
牛肉紫菜飯卷定食
$58
8 瀏覽
0 讚好
0 留言
牛肉紫菜飯卷定食 $58～必食推介
以牛肉、菠菜、蘿蔔、煎蛋等作為餡料，不得不讚老闆娘煎蛋的功力👍🏼蛋片煎得非常薄，一面煎得金黃香脆，一面蛋香濃郁，我同同事開頭都誤以為係裹上蛋漿嘅煎油豆皮。米飯同紫菜麻油香味充足，而且飯卷唔會卷得過實，令口感豐富有層次。
炆牛肋骨鍋 （附送米飯）$88
同之前食過嘅炆牛肋骨鍋好大分別，首先湯汁非常濃郁，好香紅棗同白蘿蔔味，有啲似羹嘅狀態，伴飯一流。 而且牛肋骨炆得超淋，完全唔乾好juicy。
海鮮滑豆腐海鮮湯 （附送米飯）$78
豆腐真係非常嫩滑，蜆味突出，湯內嘅雞蛋剛熟，仲係有少少流心嘅狀態，係比較清新開胃嘅一款湯品。
附送嘅前菜除咗經常會食到嘅泡菜、青瓜、蘿蔔之外，中間嘅薯仔絲不容錯過，有啲似川菜裏面唔辣嘅燴炒土豆絲（我有心地 唔小心食埋同事嗰啲薯仔🤪，因為真係好好味）。
午市套餐星期一至六12-6pm供應
*配前菜及湯
*罐裝果汁汽水加$8
張貼
