家家戶戶

營業中

休息中

喺尖沙咀嘅韓國街，有一間由韓國人主理嘅韓式料理餐廳，裝修好有韓式家庭風格，唔單止口味正宗，仲有好多韓國人幫襯，俾人一種身臨韓國嘅感覺。尤其係午餐時間，到訪嘅客人多到滿座，好熱鬧嚟嘅。叫咗牛肉鍋配白飯同韓式炸醬麵。牛肉鍋湯底鮮甜，滋味濃郁，啲金菇蔬冬菇、蔬菜同粉絲增添咗豐富口感，飲得出係用好多蔬菜熬製嘅湯底，真係令人回味無窮。啲牛肉煮得剛剛好，肉質鮮嫩多汁。至於韓式炸醬麵，有濃郁嘅黑豆味，配有魷魚、蝦仔、蜆等等海鮮，再加上兩隻炸餃子，絕對是一道令人驚艷的美食。如果加$10轉套餐，就可以享受到韓式前菜，例如酸蘿蔔、泡菜、醃牛蒡等等。最後仲有韓式益力多做甜品，真係一個物超所值嘅選擇。