影片
更多
2023-12-01
2080 瀏覽
自從 airside 開咗之後，真係不停去試新餐廳。最近見到幾位foodie介紹哩間餐廳，airside 又有分店，即刻拉埋啲同事去試。餐廳位於 airside 6樓，喺商場平台位，有室外同室內位。宜家天氣唔係好熱，加上有風，坐外面都幾舒服。室外位附近有草地，啲毛孩們都玩得好開心 🐶傳統飯卷 ($72)醬燒牛肉飯卷 ($88)我係kimbap super fans 🙌🏻，之前去韓國又係一見到有kimbap就會叫😋不過食慣香港嘅kimbap，反而覺得韓國嘅無咁好食😅哩度嘅傳統飯卷同醬燒牛肉飯卷都做得好食👍🏻韓國蜆肉紫蘇飯 ($138)平時香港食得最多係五花肉玫瑰燉飯，今次試下蜆肉。賣相唔錯，但係啲蜆肉好辣🥵，一定要同啲飯混埋先食到。其實成個飯都好惹味，不過對我黎講就太辣。食唔到辣的話，可以叫黑毛豬，黑毛豬係完全唔辣。燒醬油黑毛豬白切肉紫蘇飯 ($138)賣相同蜆肉紫蘇飯差唔多，只係將蜆肉換成黑毛豬五花肉，賣相同樣靚係仔。同香港其他地方食到嘅五花肉玫瑰燉飯差唔多，但我鍾意佢係紫蘇飯，唔會有陣假玫瑰味。黑毛豬件件厚切，煎得好香，好好味。整體食物都係好食，不過份量唔係好大，而且食物選擇唔算好多
最近見到幾位foodie介紹哩間餐廳，airside 又有分店，即刻拉埋啲同事去試。
餐廳位於 airside 6樓，喺商場平台位，有室外同室內位。
宜家天氣唔係好熱，加上有風，坐外面都幾舒服。
室外位附近有草地，啲毛孩們都玩得好開心 🐶
傳統飯卷 ($72)
醬燒牛肉飯卷 ($88)
我係kimbap super fans 🙌🏻，之前去韓國又係一見到有kimbap就會叫😋
不過食慣香港嘅kimbap，反而覺得韓國嘅無咁好食😅
哩度嘅傳統飯卷同醬燒牛肉飯卷都做得好食👍🏻
韓國蜆肉紫蘇飯 ($138)
平時香港食得最多係五花肉玫瑰燉飯，今次試下蜆肉。
賣相唔錯，但係啲蜆肉好辣🥵，一定要同啲飯混埋先食到。
其實成個飯都好惹味，不過對我黎講就太辣。
食唔到辣的話，可以叫黑毛豬，黑毛豬係完全唔辣。
燒醬油黑毛豬白切肉紫蘇飯 ($138)
賣相同蜆肉紫蘇飯差唔多，只係將蜆肉換成黑毛豬五花肉，賣相同樣靚係仔。
同香港其他地方食到嘅五花肉玫瑰燉飯差唔多，但我鍾意佢係紫蘇飯，唔會有陣假玫瑰味。
黑毛豬件件厚切，煎得好香，好好味。
整體食物都係好食，不過份量唔係好大，而且食物選擇唔算好多。
但都唔緊要，但係服務真係唔得🥲
人手唔係好多，尤其坐外面，啲職員唔係好見到客人，就算職員行咗出黎，都望唔到。
食完正餐想叫甜品，揮手揮咗好耐，終於有人見到，叫咗一個職員黎幫我哋。
但職員係一副唔想返工嘅樣，慢慢咁行過黎。
食晏唔係好多時間，驚唔夠時間食，問佢窩夫要等幾耐，佢又擺出一個完全唔想回應客人嘅樣😰
最後，我哋揀咗一份窩夫同Tiramisu。
過咗15分鐘，我哋追問另外一個職員，原來頭先個職員係無幫我哋落單😨😨😨
埋單嘅時間，職員又將張單俾錯隔離枱。
就算食物好食都無用，都係列入no next time系列☹️
張貼
