鍋 (已結業)

之前試過深水埗分店，一直對韓國嘅家鄉菜式念念不忘。最近見到佢哋喺大角咀開咗新分店，就即刻去試下。辣花蟹湯鍋 $388店員介紹佢地嘅花蟹係每日新鮮係市場度買，所以特別新鮮。先飲一啖湯先，味道極之鮮甜又帶少少辛辣，好過癮呀。另外湯底仲有香菇、洋蔥和蘿蔔等等，餸飯真係一流。紅薯芝士條 $78炸到非常香脆嘅芝士條，拉開會見到長長嘅拉絲，非常芝味。牛肉石鍋拌飯 $98食得韓國菜，一定唔少得石鍋拌飯。石鍋送上嚟嘅時侯熱到出煙，混合雞蛋、牛肉粒、翠玉瓜材料。飯底會有少少焦香，加埋醬汁一齊食真係一流。海鮮大醬湯 $88多款海鮮如蟹、鮮蝦，配上冬菇、薯仔、豆腐和翠玉瓜，味道極之鮮味。炸雞 $78炸到金黃色嘅雞粒，配上傳統嘅韓式酸辣醬，炸雞外脆內軟，非常多汁。鍋大角咀埃華街72號地舖