韓兄弟燒烤

營業中

休息中

士瓜灣除左日本野隔離仲開左間韓國人主理既韓國燒烤。前菜親自製作，白蘿蔔做得香甜，泡菜酸辣度適中。豬排同豬頸肉set，可以見到豬肉非常新鮮，而且好大塊，肉同脂肪比例均勻店員會親自幫你烹調，你坐響到等食就得，店員仲好細心幫你切好食物。仲配有芝士，d芝士煮到溶晒，入口好滿足。仲有厚煎蛋，師傅加左少少沙津醬，唔知係咪韓式煮法，食入口幾香。最後仲有個豬肋肉粉絲煲，呢個煲下面可以用湯煮，上面可以烤肉，烤肉既肉汁留返落去粉絲同蔬菜，吸收晒精華，好好食。