樂心冰室

星期六下晝行過銅鑼灣，2:30都未食嘢， 經過呢間餐廳入邊冇乜人，就求其入咗去。叫咗個下午茶餐叉燒飯，加十蚊跟碟火腿煎蛋。


碗叉燒飯上枱時都仲靚靚仔仔，但估唔到啲叉燒全部都勁硬勁鞋口，好在下午茶餐有一碟火腿煎蛋，就唯有靠兩塊火腿一隻煎蛋送¼碗飯。


阿姐收我碟嘅時候，我指住我碟上面有五夠咬過嘅叉燒（圖一），我問：「你平時會唔會食呢度啲叉燒，佢話：「我地唔俾食叉燒。」，從語氣聽出佢似乎聽慣啲客投訴呢度啲叉燒唔好食。


如果你唔信我講嘅嘢就歡迎嚟試吓🙂

（食剩嘅）叉燒飯

$50

下午茶