鉄人大盛 (已結業)

放題開到氾濫令人食到厭，最近終於有一番新景象，呢間鐵板燒放題好有新意，性價比仲好高，值得推介。睇住師傅整鐵板燒色香味俱全，令人更有食慾。本以為餐廳會好大油煙，但竟然冇乜，食完個身都唔會有油煙味。奉送大蝦刺身同生蠔，幾大隻又新鮮，喜出望外。刺身質素佳，大大件又好鮮甜，更意想不到係有三文魚腩揀，非常肥美。之後個幾轉都保持到質素，冇一般放題越叫越差的問題，好鮮好正。連一般放題少有既左口魚裙邊壽司都有，魚質好滑溜好好味。有我最愛既法式鵝肝配多士，估唔到任食鵝肝既質素會咁好，好大件厚身，燒得外脆內軟，啖啖油脂香。鐵板燒食物種類都幾多，有芝士醬帶子、燒汁一口牛、葱花牛肉。燒羊架好大件，肉質超嫩，肉汁多，味道又濃厚，讚👍🏻燒鰻魚好大件又厚身，好嫩滑又唔會好乾，味道又恰到好處。黑松露魚扒大有驚喜，肉質好滑溜，黑松露味非常香濃，滲入魚肉。估唔到連一口薯都咁好味，甜度剛剛好。