麵包新語 (已結業)

同屋企人去奧海城食飯,先發現開左一間新包店,包既種類又多又新奇,今次先試兩款。葡萄總動員($8.5):一個大大地既長形辮包,係甜包,上舖提子,包幾軟,包底反而有點脆,但係因為用甜既料(似雞尾包餡的料)黏上提子,所以個包好甜,味道唔突出,只係甜…地震芝士軟包($16):何解叫地震就真係不得而知。外表似panash 既芝士包,都係一大條切厚片,但係呢度既又大d又重d又貴d,包仲軟d添!至於芝士,佢唔係車打,所以唔係一粒粒,而係包中有一個個窿,窿內有半溶芝士,其實都ok,但係略嫌芝士少得滯,所以味道唔夠,應再多點芝士!呢間店應該會搶去東海堂唔少生意喎!