三星台菜食堂 (奧海城2期) (已結業)

由細到大我就跟我爹爹四圍食野，有咩未食過？今次黎到三星牛肉麵，見到Menu有道花雕三星麵，我當堂嚇一跳，然後就得啖笑，一於叫返碗黎試下。花雕三星麵（$78）正所謂面就係人地俾，架就係自己「丟」，花雕入湯最大敗筆就係沒有醉雞，用燉牛肉本身已經燥，加入花雕咪燥上加燥，成件事錯曬！不過講句公道話，牛展係炆得幾入味，牛筋炆得好淋，金錢肚夠爽，三樣餸都叫做見得下人。麵質方面唔會一夾就散，可惜麵未能吸收湯底的精華，有形無味，失敗！跟餐仲有碟肉燥油菜，今時今日來講算大碟，食油麥菜配上肉燥，甜甜地味道唔錯，可惜蔬菜易出水將肉燥汁嘅味道沖淡，失敗中的失敗！