碼頭酸菜魚 (已結業)

今日同朋友一齊去北角匯行下呢度無黎一排已經改變左咁多改成一個大商場商場好近北角碼頭同海濱我地唔想成日食連鎖店所以喺碼頭附近試左間碼頭酸菜魚呢度位置好好有室外位，可以俾人享受下陽光我地都幾肚餓所以決定食大餐！嗌左個二人份嘅酸菜魚台式醬秋葵椒鹽九肚魚同蒜蓉蒸扇貝酸菜魚都大份夠三個人食魚肉好嫩滑我地揀少辣所以酸會比辣更突出所以更醒胃！除左魚肉，仲有萵荀，寬粉同大雲耳材料豐富！台式醬秋葵比平時豉醬炒輕盈啲所以更加可以食到秋葵清甜九肚魚熱辣辣每件都唔會太大，剛好可以一口而盡外層香酥，內裡軟滑多多都食得晒！蒸扇貝都好出色食得出鮮甜味粉絲都吸收晒海鮮味同蒜香味，超正！唔知係咪因為近住碼頭市場可以即時入貨，所以特別新鮮好味呢？比起連鎖店，有時鋪頭仔反而可以食到真滋味！