素食一家 (已結業)

   今日唔夠好彩，係星期六，變左冇set  lunch    食、要食貴野。  我散叫左個鰻魚炒飯同埋魚生，不過味道真係一般般。  鰻魚炒飯一上枱賣相已經不太討好，深啡色一碟…而且熱度好唔足夠、素鰻魚都冇咩幾粒，搞到我好似食淨炒飯咁。味道方面都冇咩特別，其實食唔出有幾日式…  素魚生有兩種顏色，相信係素三文魚同素吞拿魚。我起初以為味道會有唔同，原來其實係冇咩唔同架。不過值得一讚既地方係素食一家既魚生質感比其他素食店的魚生更逼真，事關一般素魚生都好硬，一食就知係蒟蒻。但呢度明顯係將其調較至更軟滑，更貼近真魚生。