平時好少食韓國菜，除左韓燒，今次算係第一次。食咩緊係女朋友話事先，佢成日都睇好耐餐牌，問呢個好唔好，果個又想試，所以次次都叫多左。
一點完就上左前菜，我都唔記得有呢D，我女朋友最鍾意呢D酸酸地既嘢，我就一試算了。
第一個佢一早話想食，所以必點，炒牛肉粉絲。
係幾有咬感同入味，佢話好好食WO….同平時D廣東粉絲唔同，粗好多，仲有少少甜味，好易入口。
第二個餸係我叫既，因為好想試，紅燜牛肋骨
果然選擇正確，好好味，D汁入到曬D肉到，肉好嫩，但又保留左筋部有D咬口，連D配菜都好好味，無點錯
第三個係我覺得食韓菜要食既人蔘雞湯
都好足料，我自己好鍾意飲雞湯，覺得唔錯，差唔多我一個人飲曬
第四個係佢點既香煎泡菜餅
我個人覺得可以唔點，一來太多，二黎又好粉…….
呢間餐廳都幾好座，大部份嘢都幾好食，如果有埋境就PREFECT!!!
