十兄弟車仔麵 (已結業)

今日喺灣仔同媽媽係灣仔買完餸，之後咁我哋就去十兄弟車仔麵度食晏晝啦！心大心細嘅我哋唔知揀咩好，見到餐牌個招牌八寶面同埋柱侯四寶麵賣相非常吸引，於是我哋就叫左呢兩個麵啦！媽媽個碗麵有牛坑腩，豬紅，豬皮，大腸，蘿蔔，粟米，雲耳，佢話仲好食過自己自己煮，話啲牛腩好靚，蘿蔔炆得好入味同啲雲耳都好爽口！佢話非常好食！而我個碗四寶麵都賣相不錯，有五香金錢肚，濃汁牛丸，牛坑腩同埋牛孖筋👍😋而味道亦一流，所有餸同啲麵都有陣陣既牛香味🥰食到流晒口水！我哋之後仲叫咗個炸雲吞同埋香炸墨魚丸！雲吞香脆可口，點醬非常好食，而墨魚丸也好大粒，質感豐富！我同媽媽都非常滿意呢個午餐🥣