Rempah Noodles

呢間啲喇沙食咗幾年，每次嘅味道口感都係同印象中一樣。三款麵都正，最緊要最緊要，就係叫埋個 kaya toast ，尤其是非繁忙時候去，個多士整得特別靚。

仲有，非繁忙時間都坐得舒服啲，忙嘅時候，阿姐會逼你將個袋勾起，明明隔離兩張凳冇人坐都唔俾你放個袋，餐廳規矩係咁，冇辦法。

阿姐都笑容滿面，fill 水好密，埋單都會同你講聲多謝拜拜，呢兩句咁簡單嘅說話好多餐廳都冇。

佢哋嘅奶茶個人覺得麻麻，唔係星馬feel，似泰茶多啲。個香茅斑斕都值得一試。