日喜樓 (已結業)

去到登龍街食街，成排地舖差唔多全部都係拉麵譜，但最近寶因為要齋戒，拉麵都應該唔係我哋嘅選擇。中式餐廳都會有比較多素食，所以今日揀咗間都見有好多人食位於地庫嘅京滬菜餐廳裝修非常靚仔， Modern得來又夠傳統，擺位闊落，唔會覺得逼。而且有reception到樓面服務員都非常好服務，主動會幫我地斟茶，仲會問我地啲嘢啱唔啱食，服務態度滿分見到佢有中式嘅cocktail係menu入面，但係酒牌仲未到，所以未有得叫住，好可惜！唯有等下一次佢有酒牌先再嚟試！今日點左幾個菜，前菜有辣嘅雲耳，仲有我食嘅酸辣魚片，茶樹菇翡翠苗，炸銀絲卷，四喜臨門， 仲有甜品吾是南瓜🎃黑木耳整得幾辣！蒜頭加辣椒冇乜酸味都非常開胃呢個翡翠苗整得非常好食，尤其是個湯超好飲！菇同菜嘅比例成正比，分量十足！酸菜魚片一條骨都冇，辣味夠晒，酸味就等左啲酸菜浸多陣就啱啱好，所有料吸晒啲湯之後都好好食炸銀絲卷加煉奶簡直就係天衣無縫嘅配搭，我落去一條條銀絲，好有口感實不相暪今次係我第一次食有顏色嘅小籠包！原來個皮係用咗唔同嘅材料去做所以先有唔同顏色四款裏邊我最欣賞係九層塔同埋蒜香，個皮味加埋小籠包啲肉汁，估唔到咁夾！當然原味都唔輸蝕，簡直