好一鍋海鮮火鍋專門店 (已結業)

天氣凍，同屋企人打邊爐，好彩一早有訂位，因呢度非常滿坐，見到七八點開始有人等位。服務ok，上菜算快，員工服務唔錯，反應快，例如加湯，拎單等等。食物種類算多，又無漏單。又有任飲飲品，仲有yogurt。任食之下，我地點咗幾次肥牛，肉質鮮嫩，牛栢葉就好爽口，絕對物超所值。海鮮同蔬菜都好新鮮。蝦仍在跳。總括而言，餐廳食物十分多樣化，由各式丸類到新鮮海鮮，給與客人非常豐富的選擇，下次有機會會帶朋友再戰多回。