影片
更多
2020-04-07
80 瀏覽
特別鍾意去新嘅餐廳 睇吓新嘅設計風格 今次呢一間由老店轉向新店 設計作風亦都有好大嘅改變 摩登嘅設計 仲有主要用藍色同白色嘅格調 令到成個食嘢嘅體驗都提升咗唔少。再望一望Menu 其實食物價格同小菜差唔多 首先我哋叫咗半隻炸子雞 $138.半隻雞嘅價錢 食咗之後你會覺得物超所值。炸子雞一類型嘅菜 相信大家都食唔少 但係佢可以做到外層皮好薄 油脂好少 而且肉質係非常嫩滑多汁 而且又好入味。佢哋都有同我哋講，師傅為求可以保持水準 寧願限量發售 每日只係有一定嘅數量。我見下一枱客人想食都冇咗啦。相信我絕對係必食之選！第二樣我哋叫咗一個醬汁炒蜆，大大隻之餘亦都好有肉地，醬汁辣辣地，好惹味用嚟送飯一流！之後叫咗一個豬油炒粉絲，開頭我都驚會好油膩，但係食咗頭兩餸之後，對依間小店都好有信心。果然 炒粉絲分量十足 而且入邊都好多豬肉碎 同埋雞蛋絲 炒落好有火候 無論送飯定單食都好正！接落嚟都係我自己好期待嘅一樣菜式 就係川式炸牛腩 。一個菜式真係前所未聞 炸嘅牛腩一啲都唔鞋口 加上外層有川菜風味 食落去真係相當特別 最重要係佢份量真係好巨型 呢個價錢竟然有十幾塊大牛腩 講緊你出面食咖喱雞都係得五六件
再望一望Menu 其實食物價格同小菜差唔多 首先我哋叫咗半隻炸子雞
$138.半隻雞嘅價錢 食咗之後你會覺得物超所值。炸子雞一類型嘅菜 相信大家都食唔少 但係佢可以做到外層皮好薄 油脂好少 而且肉質係非常嫩滑多汁 而且又好入味。佢哋都有同我哋講，師傅為求可以保持水準 寧願限量發售 每日只係有一定嘅數量。我見下一枱客人想食都冇咗啦。
相信我絕對係必食之選！
第二樣我哋叫咗一個醬汁炒蜆，大大隻之餘亦都好有肉地，醬汁辣辣地，好惹味用嚟送飯一流！
之後叫咗一個豬油炒粉絲，開頭我都驚會好油膩，但係食咗頭兩餸之後，對依間小店都好有信心。果然 炒粉絲分量十足 而且入邊都好多豬肉碎 同埋雞蛋絲 炒落好有火候 無論送飯定單食都好正！
接落嚟都係我自己好期待嘅一樣菜式 就係川式炸牛腩 。一個菜式真係前所未聞 炸嘅牛腩一啲都唔鞋口 加上外層有川菜風味 食落去真係相當特別 最重要係佢份量真係好巨型 呢個價錢竟然有十幾塊大牛腩 講緊你出面食咖喱雞都係得五六件 我覺得如果四人晚餐，都要試吓！
最後最後今次叫埋佢哋嘅豆腐花桃膠糖水 大概都等左10分鐘 開頭諗點解要用咁耐時間 後尾先知道真係一個驚喜 ！師傅竟然好細心咁樣用刀切左豆腐 令到豆腐嘅形態好似一朵花 $48呢個價錢真係好值 淨係食佢個刀工都好抵！
希望呢間喺疫情過後都會得到大家嘅支持
佢哋嘅服務都好好 非常樂於同客人去交流 亦會問吓菜式好唔好食 都好樂意接受意見！
張貼
