禮賓傅 (已結業)

話說有一日,我嘅好朋友仔話帶我禮賓府，我心諗我朋友咁型可以帶我去香港特別行政區行政長官住的官邸到參觀下，都幾ok，於是即刻答應！仲問佢著咩服飾.跟住傾下傾下先知原來我誤會左,朋友只不過帶我去呢間叫-禮賓傅嘅餐廳,都幾搞笑！又會改個咁嘅名！睇下啲食物點先!迷你鮑魚多士鮑魚又甜又爽口,多士又脆。 鮑魚與多士之間放了一片青口之唔油膩,質感很好,幾特別!燕窩釀雞翼先將雞翼用炸嘅煮法去處理,之後將營養價值頗高的燕窩放喺雞翼裡面，燕窩非常潤滑，質感豐富，味道又唔錯!又一款好特別嘅菜式。羊肚菌燉螺頭好清甜嘅湯,好入味嘅羊肚菌再加上好甜嘅螺頭,真係好清又好飲!讚!鮮蟹肉大良炒鮮奶呢款菜式好特別,味道超好食！鮮甜嘅蟹肉再炒鮮奶，好香好滑。厨師水準好高，比例超均衡，真係值得推介紅燒花膠大大件嘅花膠用紅燒嘅整法去煮,好入味！又唔硬又唔軟，口感一流！再配埋啲芡汁，非常出色。南瓜燴安格斯牛腩用紅酒來燴牛腩，本身安格斯牛味濃厚，經長時間烹煮調後亦能鎖住肉汁，再配上南瓜,味道可人!素千層浸芥菜膽清清地嘅素千層口感好爽，再配以新鮮嘅芥菜膽,清清地,好!禮賓傅炒飯用鮑魚粒，龍蝦粒，帶子粒及黑松露...等食材去炒,味道又